കെ.സുധാകരനും, വി.ഡി. സതീശനുമെതിരെ ഡി.വൈ.എഫ്.ഐ നല്കിയ പരാതി സ്പെഷ്യല് സെല് എസ്.പി ബി. കൃഷ്ണകുമാറിന് അന്വേഷണ ചുമതല
തിരുവനന്തപുരം: മുഖ്യമന്ത്രിക്കെതിരായ വിമാനത്തിലെ പ്രതിഷേധത്തില് കെ.പി.സി.സി പ്രസിഡന്റ് കെ. സുധാകരനും പ്രതിപക്ഷ നേതാവ് വി.ഡി. സതീശനുമെതിരെ ഡി.വൈ.എഫ്.ഐ നല്കിയ പരാതിയില് പേലീസ് പ്രാഥമിക പരിശോധന നടത്തും. ഡി.ജി.പിക്ക് ലഭിച്ച പരാതി പോലീസ് ആസ്ഥാനത്തെ സ്പെഷ്യല് സെല് എസ്.പി, ബി കൃഷ്ണകുമാർ അന്വ ഷിക്കും. കേസെടുക്കണമോയെന്ന് എന്ന് അന്വേഷിച്ച് റിപ്പോര്ട്ട് നല്കാന് നിര്ദ്ദേശിച്ചിരിക്കുകയാണ് ഡി ജി പി വിമാനത്തിലെ പ്രതിഷേധത്തിലെ ഗൂഢാലോചനയില് ഇരുവര്ക്കും പങ്കുണ്ടെന്നാണ് ഡി.വൈ.എഫ്.ഐയുടെ പരാതി.
വിമാനത്തിനുള്ളില് മുഖ്യമന്ത്രിക്കെതിരെ പ്രതിഷേധിച്ച യൂത്ത് കോണ്ഗ്രസ് പ്രവര്ത്തകരെ ആക്രമിച്ച കേസില് മുതിര്ന്ന സി പി എം നേതാവ് ഇ.പി. ജയരാജനെതിരെ കേസെടുത്തെങ്കിലും വിമാനസുരക്ഷാനിയമപ്രകാരമുള്ള കുറ്റം ചുമത്തിയിട്ടില്ല. സമാന കേസില് പ്രതി ചേര്ത്ത യൂത്ത് കോണ്ഗ്രസ് പ്രവര്ത്തകര്ക്കും കെ.എസ്. ശബരിനാഥനും എതിരെ എയര്ക്രാഫ്റ്റ് ആക്റ്റ് പ്രകാരമുള്ള കുറ്റങ്ങള് ചുമത്തിയിരുന്നു. കോടതി നിര്ദ്ദേശപ്രകാരം എടുത്ത കേസായതിനാല് അപ്രകാരമുള്ള കുറ്റങ്ങളാണ് ചുമത്തിയതെന്നാണ് പോലീസ് വിശദീകരണം.