മുന്മന്ത്രി കെ.ടി.ജലീലിന്റെ ഫെയ്സ്ബുക്ക് പോസ്റ്റില് 153 ബി ചുമത്തി എഫ്.ഐ.ആറിട്ട് പോലീസ്
പത്തനംതിട്ട: ജമ്മു കശ്മീരുമായി ബന്ധപ്പെട്ട ഫേസ്ബുക്ക് കുറിപ്പിന്റെ അടിസ്ഥാനത്തില് കെ ടി ജലീല് എംഎല്എക്കെതിരെ കേസ് രജിസ്റ്റര് ചെയ്ത് കീഴ് വാഴ്പൂര് പൊലീസ്. 153 ബി. ഐ.പി.സി പ്രകാരമാണ് കേസെടുത്തത്. ജലീലിന്റെ പോസ്റ്റ് കലാപ ഉദ്ദേശ്യത്തോട് കൂടിയാണെന്ന് എഫ്ഐആറില് പറയുന്നു. എഴുമറ്റൂര് സ്വദേശി അരുണ് മോഹന് നല്കിയ ഹര്ജിയില് ജലീലിനെതിരെ കേസെടുക്കാന് തിരുവല്ല ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതി ഇന്നലെ നിര്ദേശം നല്കിയിരുന്നു.
വിഷയത്തില് പത്തനംതിട്ട കീഴ് വായ്പൂര് പൊലീസ് സ്റ്റേഷനില് പരാതി നല്കിയിട്ടും കേസെടുക്കാന് തയ്യാറാകാത്ത സാഹചര്യത്തിലാണ് കോടതിയില് ഹര്ജി നല്കിയതെന്ന് അരുണ് മോഹന് പറഞ്ഞിരുന്നു.
പാക് അധീന കശ്മീരിനെ ആസാദ് കശ്മീര് എന്നും ജമ്മു കശ്മീരിനെ ഇന്ത്യന് അധീന കശ്മീരെന്നും വിശേഷിപ്പിച്ചായിരുന്നു ജലീലിന്റെ വിവാദ ഫേസ്ബുക്ക് കുറിപ്പ്.