നഴ്സ് ലിനിയുടെ ഭര്ത്താവ് സജീഷ് വിവാഹിതനാകുന്നു
കോഴിക്കോട്: നിപ രോഗിയെ പരിചരിക്കുമ്പോള് അസുഖം ബാധിച്ച് മരിച്ച നഴ്സ് ലിനിയുടെ ഭര്ത്താവ് സജീഷ് വിവാഹിതനാകുന്നു. കൊയിലാണ്ടി പന്തലായനി സ്വദേശിയായ അധ്യാപിക പ്രതിഭയാണ് വധു. ഈ മാസം 29ന് വടകര ലോകനാര്ക്കാവ് ക്ഷേത്രത്തിലാണ് വിവാഹം. ലിനിയുടെ കുടുംബം ഉള്പ്പെടെ മൂന്നു കുടുംബങ്ങളും ചേര്ന്നാണ് വിവാഹം നിശ്ചയിച്ചത്.ലിനിയുടെ മരണ ശേഷം മക്കളായ ഋതുല്, സിദ്ധാര്ഥ് എന്നിവര്ക്കൊപ്പം ചെമ്പനോടയിലെ വീട്ടിലാണ് താമസം. ലിനിയോടുള്ള ആദര സൂചകമായി സജീഷിന് സര്ക്കാര് ജോലിയും നല്കിയിരുന്നു. ഇപ്പോള് പന്നിക്കോട്ടൂര് പിഎച്ച്സിയില് ക്ലര്ക്കാണ് സജീഷ്. പ്രതിഭയ്ക്ക് പ്ലസ് വണ് വിദ്യാര്ഥിയായ മകളുണ്ട്.