മാധ്യമ പ്രവര്ത്തകന് കെ എം ബഷീറിനെ വാഹനമിടിച്ച് കൊലപ്പെടുത്തിയ കേസില് വഫ ഫിറോസിന്റെ വിടുതല് ഹര്ജിയില് വിധി ഇന്ന്
തിരുവനന്തപുരം: മാധ്യമ പ്രവര്ത്തകന് കെ എം ബഷീറിനെ വാഹനമിടിച്ച് കൊലപ്പെടുത്തിയ കേസില് രണ്ടാം പ്രതി വഫ ഫിറോസിന്റെ വിടുതല് ഹര്ജിയില് തിരുവനന്തപുരം ഒന്നാം അഡീഷണല് ജില്ലാ സെഷന്സ് കോടതിയുടെ വിധി ഇന്ന്. താന് നിരപരാധിയാണെന്നും കേസില് നിന്ന് ഒഴിവാക്കണമെന്നുമാണ് വഫയുടെ വാദം. ശ്രീറാമിനെ വാഹനം നല്കി ഓടിക്കാന് പ്രേരിപ്പിച്ചത് വഫയാണെന്ന് പ്രോസിക്യൂഷന് കോടതിയില് വാദിച്ചു.തെളിവ് നശിപ്പിച്ചെന്ന കുറ്റവും വഫയ്ക്കെതിരെ ചുമത്തിയിട്ടുണ്ട്. എന്നാല് കുറ്റപത്രത്തില് അന്വേഷണ സംഘം ഉള്പ്പെടുത്തിയ 100 സാക്ഷികളില് ആരും വഫയ്ക്കെതിരെ മൊഴി നല്കിയിട്ടില്ലെന്ന് വഫയ്ക്ക് അനുകൂലമാണ്. രേഖകളിലോ പൊലീസിന്റെ അനുബന്ധ രേഖകളിലോ വഫയ്ക്കെതിരെ തെളിവില്ലെന്നും പ്രതിഭാഗം അഭിഭാഷകന് അറിയിച്ചു. വിടുതല് ഹര്ജി സമര്പ്പിക്കുമെന്ന് ഒന്നാം പ്രതി ശ്രീംറാം വെങ്കിട്ടരാമനും വാക്കാല് കോടതിയെ അറിയിച്ചു.
കേസിലെ ഒന്നാം പ്രതി ശ്രീറാം വെങ്കിട്ടരാമനെ സര്ക്കാര് ആലപ്പുഴ ജില്ലാകളക്ടറായി നിയമിച്ചെങ്കിലും പ്രതിഷേധത്തെത്തുടര്ന്ന് മാറ്റിയിരുന്നു.