ആറ്റിങ്ങലില് കെഎസ്ആർടിസി ബസിന് കല്ലെറിഞ്ഞ പ്രതികള് പിടിയില്
ആറ്റിങ്ങൽ : പോപ്പുലർ ഫ്രണ്ട് നടത്തിയ ഹർത്താലിനിടെ മാമം പെട്രോൾ പമ്പിന് സമീപത്ത് വച്ച് കെഎസ്ആർടിസി ബസ്സിന് നേരെ കല്ലെറിഞ്ഞ സംഭവത്തിലെ പ്രതികൾ പിടിയിൽ. ആറ്റിങ്ങൽ കോരാണി 18 മൈൽ സ്വദേശികളായ മുഹമ്മദ് അസ്സലാം (20), മുഹമ്മദ് തൗഫീഖ് (19) എന്നിവരാണ് പിടിയിലായത്. ഹർത്താൽ ദിനം ഇരുചക്ര വാഹനത്തിൽ എത്തിയ പ്രതികൾ കെഎസ്ആർടിസി ബസ്സിന് നേരെ കല്ലെറിയുകയായിരുന്നു
കല്ലേറിൽ ബസ്സിന്റെ മുൻവശത്തെ ഗ്ലാസ് പൂർണമായും തകർന്നിരുന്നു. തകർന്ന ഗ്ലാസ് ചില്ലുകൾ ദേഹത്ത് തറച്ച് ഡ്രൈവര്ക്ക് പരിക്കും പറ്റിയിരുന്നു. പിടിയിലായ
പ്രതികൾ സജീവ പോപ്പുലർ ഫ്രണ്ട് പ്രവർത്തകരാണെന്ന് പൊലീസ് പറഞ്ഞു. കോടതിയിൽ ഹാജരാക്കിയ ഇവരെ റിമാൻഡ് ചെയ്തു.