കോണ്ഗ്രസ് രാഷ്ട്രീയകാര്യസമിതി യോഗത്തില് വി ഡി സതീശനും കെ സുധാകരനും വിമര്ശനം
കെപിസിസി രാഷ്ട്രീയകാര്യ സമിതി യോഗത്തില് പ്രതിപക്ഷ നേതാവ് വി ഡി സതീശന് കടുത്ത വിമര്ശം.ഗവര്ണറെ ചാന്സലര് സ്ഥാനത്ത് നിന്ന് നീക്കുന്ന നടപടിയെ പിന്തുണച്ചത് തെറ്റിദ്ധാരണയുണ്ടാക്കിയെന്നും നിലപാടില് വ്യക്തത വന്നില്ലെന്നും നേതാക്കള് വിമര്ശിച്ചു. ആര്എസ്എസ് അനുകൂല പരാമര്ശത്തില് കെ സുധാകരനും യോഗത്തില് വിമര്ശനത്തിനിരയായി . എം എം ഹസന് ഉള്പ്പെടെയുള്ള നേതാക്കളാണ് സുധാകരനെതിരെ വിമര്ശനം ഉന്നയിച്ചത്. ഇരിക്കുന്ന സ്ഥാനത്തെപ്പറ്റി ഓരോരുത്തര്ക്കും ബോധ്യം വേണം. നിലമറന്ന് പ്രവര്ത്തിക്കുന്നത് ദോഷം ചെയ്യുമെന്ന് ഓര്മിക്കണമെന്നുമായിരുന്നു വിമര്ശനം
ശശി തരൂര് വിഷയവും കെപിസിസി രാഷ്ട്രീയ കാര്യ സമിതി യോഗത്തില് ചര്ച്ചയായി. തരൂരിനെ കൂടി ഉള്ക്കൊണ്ട് പ്രശ്നം പരിഹരിക്കണമായിരുന്നുവെന്ന് എ ഗ്രൂപ്പ് വിമര്ശിച്ചു. തരൂരിന്റെ ജനപ്രീതി ഉപയോഗപ്പെടുത്തണമെന്നും യോഗം വിലയിരുത്തു. അതേസമയം പുസ്തക പ്രകാശനത്തില് മുഖ്യമന്ത്രിയെ ക്ഷണിച്ചതില് പി ജെ കുര്യനും വിമര്ശമേല്ക്കേണ്ടി വന്നു.