ഓടിക്കൊണ്ടിരിക്കുന്ന ട്രെയിനില് നിന്ന് ഇറങ്ങാന് ശ്രമിച്ച രണ്ട് കൗമാരക്കാര് വീണ് മരിച്ചു
തൃശ്ശൂര്: കൊരട്ടിയില് ഓടിക്കൊണ്ടിരുന്ന ട്രെയിനിൽ നിന്ന് ഇറങ്ങുന്നതിനിടെ അപകടത്തില്പ്പെട്ട് രണ്ട് കൗമാരക്കാര്ക്ക് ദാരുണാന്ത്യം. കൊരട്ടി സ്വദേശികളായ കൃഷ്ണകുമാർ (16), സഞ്ജയ് (17) എന്നിവരാണ് മരിച്ചത്. പുലര്ച്ചെ മൂന്ന് മണിയോടെയാണ് അപകടം. ട്രെയിനിന് കൊരട്ടിയില് സ്റ്റോപ്പുണ്ടായിരുന്നില്ല. ഇവിടെ ഇറങ്ങാന് ശ്രമിക്കുന്നതിനിടെയാണ് യുവാക്കള് അപകടത്തില്പ്പെട്ടത്. ഒരാള് ട്രെയിനിന് അടിയില്പ്പെടുകയും മറ്റയാള് പ്ലാറ്റ്ഫോമില് തലയടിച്ച് വീഴുകയുമായിരുന്നു. ഇരുവരുടെയും മൃതദേങ്ങള് ചാലക്കുടിയിലെ ആശുപത്രിയിലേക്ക് മാറ്റി.