ന്യൂസിലന്റിനെതിരെ ഇരട്ട സെഞ്ചുറിയുമായി ശുഭ്മാന് ഗില്
ഹൈദരാബാദ്: ന്യൂസിലന്ഡിന് എതിരായ ഒന്നാം ഏകദിനത്തില് 49-ാം ഓവറിലെ ആദ്യ മൂന്ന് പന്തും ഗാലറിയിലെത്തിച്ച് ഗില് 200 തികച്ചപ്പോള് ഇന്ത്യക്ക് പടുകൂറ്റന് സ്കോര്. ഹൈദരാബാദ് രാജീവ് ഗാന്ധി സ്റ്റേഡിയത്തെ ത്രസിപ്പിച്ച മത്സരത്തില് ആദ്യം ബാറ്റു ചെയ്ത ഇന്ത്യ 50 ഓവറില് എട്ട് വിക്കറ്റ് നഷ്ടത്തില് 349 റണ്സ് നേടി. 145 പന്തിലായിരുന്നു ഗില്ലിന്റെ ഡബിള്. ഓപ്പണറായി ഇറങ്ങിയ ഗില് 48.2 ഓവറും ക്രീസില് നിന്ന ശേഷം 149 പന്തില് 208 റണ്സെടുത്താണ് മടങ്ങിയത്.