സസ്പെന്ഷനിലായിരുന്ന ഐജി ലക്ഷ്മണിനെ സര്വ്വീസില് തിരിച്ചെടുത്തു
മോന്സന് മാവുങ്കലുമായുള്ള ബന്ധത്തെ തുടര്ന്ന് സസ്പെന്ഷനിലായ ഐ ജി ഗോഗുലത്ത് ലക്ഷ്മണിനെ തിരിച്ചെടുത്തു. ചീഫ് സെക്രട്ടറി വി പി ജോയ് അധ്യക്ഷനായ സമിതിയാണ് നടപടി പിന്വലിച്ചത്.
തട്ടിപ്പില് ലക്ഷ്മണിന് ബന്ധമില്ലെന്ന ക്രൈം ബ്രാഞ്ച് റിപ്പോര്ട്ടിന്റെ അടിസ്ഥാനത്തിലാണ് നടപടി. സസ്പെന്ഷന് റിവ്യൂ കമ്മിറ്റിയുടെ നിര്ദേശപ്രകാരമാണ് ലക്ഷ്മണിനെ തിരിച്ചെടുക്കുന്നതെന്ന് ഉത്തരവില് പറയുന്നു.
നേരത്തേ, ക്രൈംബ്രാഞ്ച് എഡിജിപിയായിരുന്ന എസ് ശ്രീജിത്തിന്റെ അന്വേഷണ റിപ്പോര്ട്ടിന്റെ അടിസ്ഥാനത്തിലാണ് ലക്ഷ്മണിനെ 2021 നവംബര് പത്തിന് സസ്പെന്ഡ് ചെയ്തത്.