കേരളവും അന്താരാഷ്ട്ര തൊഴിൽ സംഘടനയുമായി ചേർന്നുള്ള പ്രവർത്തനങ്ങളുടെ ശതാബ്ദി നിറവിൽ സംഘടിപ്പിക്കുന്ന അന്താരാഷ്ട്ര ലേബർ കോൺക്ലേവിന്റെ ഓഫീസ് തൊഴിൽഭവനിലെ ലേബർ കമ്മിഷണറേറ്റിൽ പ്ലാനിംഗ് ബോർഡ് വൈസ് ചെയർമാൻ പ്രൊഫ. വി കെ രാമചന്ദ്രൻ ഉദ്ഘാടനം ചെയ്തു.
കേരളവുമായുള്ള ഇന്റർനാഷണൽ ലേബർ ഓർഗനൈസേഷന്റെ നൂറുവർഷത്തെ ചരിത്രവും തൊഴിൽ രംഗത്ത് ഐ എൽ ഒയുടെ ലക്ഷ്യങ്ങളും തത്വങ്ങളും ഉയർത്തിപിടിക്കുന്നതിനൽ കേരളത്തിന്റെ സംഭാവനകളും അടിസ്ഥാനമാക്കി സംസ്ഥാനതൊഴിൽവകുപ്പും പ്ലാനിംഗ് ബോർഡും ഐ എൽ ഒയുമായി ചേർന്ന് ഏപ്രിൽ 27,28,29 തിയ്യതികളിൽ തിരുവനന്തപുരത്താണ് അന്താരാഷ്ട്ര ലേബർ കോൺക്ലേവ് സംഘടിപ്പിക്കുക. ചടങ്ങിൽ ലേബർ കമ്മിഷണർ ഡോ കെ വാസുകി, പ്ലാനിംഗ് ബോർഡ് മെമ്പർ ഡോ കെ രവി രാമൻ, വൈസ്‌ചെയർമാന്റെ സാമ്പത്തികകാര്യ ഉപദേഷ്ടാവ് എം ടി സിന്ധു, അഡീ ലേബർ കമ്മിഷണർമാരായ രഞ്ജിത് പി മനോഹർ, കെ ശ്രീലാൽ, കെ എം സുനിൽ തുടങ്ങിയവർ പങ്കെടുത്തു.
