കള്ളനോട്ട് കേസില് കൃഷി ഓഫീസര് അറസ്റ്റില്
കള്ളനോട്ട് കേസില് കൃഷി ഓഫീസര് അറസ്റ്റിലായി. എടത്വ കൃഷി ഓഫീസര് എം ജിഷമോളെയാണ് ആലപ്പുഴ സൗത്ത് പൊലീസ് പിടിയിലായത്. ജിഷയില് നിന്നും കിട്ടിയ 7 കള്ളനോട്ടുകള് മറ്റൊരാള് ബാങ്കില് നല്കിയപ്പോഴാണ് തട്ടിപ്പ് പുറത്തായത്.ജിഷയെ ചോദ്യം ചെയ്യല് തുടരുകയാണ്. കള്ള നോട്ടിന്റെ ഉറവിടം വെളിപ്പെടുത്താന് ജിഷ തയ്യാറായില്ല. ജിഷയുമായി പരിചയത്തിലുള്ള മത്സ്യബന്ധന സാമഗ്രികള് വില്ക്കുന്നയാളാണ് 500 രൂപയുടെ 7 കള്ളനോട്ടുകള് ബാങ്കില് നല്കിയത്. എന്നാല് ഇയാള്ക്ക് ഇവ കള്ളനോട്ടുകളാണെന്ന് അറിയില്ലായിരുന്നുവെന്ന് പൊലീസ് പറയുന്നു.ഇപ്പോള് കളരിക്കല് ഭാഗത്ത് വാടകയ്ക്ക് താമസിക്കുകയാണ് ജിഷമോള്. വ്യാജ വിവാഹ സര്ട്ടിഫിക്കറ്റ് നിര്മ്മിക്കാന് ശ്രമിച്ചതായും മുന്പ് ജോലി ചെയ്ത ഓഫീസില് ക്രമക്കേട് നടത്തിയതായും ഇവര്ക്കെതിരെ നിരവധി ആരോപണങ്ങള് നിലനില്ക്കുന്നുണ്ട്.