ക്ലച്ചും ഗിയറും ടെന്ഷന് വേണ്ട; ഓട്ടോമാറ്റിക്, ഇലക്ട്രിക് വാഹനങ്ങള് ഉപയോഗിച്ച് ഇനി ഡ്രൈവിങ് ടെസ്റ്റ് പാസ്സാകാം
ഡ്രൈവിങ് ലൈസന്സിനായുള്ള എച്ച്, റോഡ് ടെസ്റ്റുകള്ക്ക് ഇനി മുതല് ഓട്ടോമാറ്റിക്, ഇലക്ട്രിക് വാഹനങ്ങള് ഉപയോഗിക്കാമെന്നുളള ഉത്തരവ് ട്രാന്സ്പോര്ട്ട് കമ്മീഷണര് പുറത്തിറക്കി. ഇനിമുതല് ടെസ്റ്റില് ഇലക്ട്രിക് വാഹനങ്ങളും, ഓട്ടോമാറ്റിക് വാഹനങ്ങളും ഡ്രൈവ് ചെയ്ത് കാണിച്ചാലും ലൈസന്സ് നല്കാമെന്നാണ് പുതിയ ഉത്തരവ്. ലൈസന്സിന് എന്ജിന് ട്രാന്സ്മിഷന് പരിഗണിക്കേണ്ടെന്ന കേന്ദ്രനിര്ദേശത്തെ തുടര്ന്നാണ് തീരുമാനം. 2019ല് സുപ്രീംകോടതി നിര്ദേശത്തെ തുടര്ന്ന് കേന്ദ്രസര്ക്കാര് നിയമം മാറ്റിയെങ്കിലും കേരളത്തില് നടപ്പായിരുന്നില്ല. ടെസ്റ്റില് ഓട്ടോമാറ്റിക്, ഇലക്ട്രിക് വാഹനങ്ങള് ഓടിക്കാനാകില്ലെന്നായിരുന്നു ഉദ്യോഗസ്ഥരുടെ നിലപാട്.
ഡൈവ്രിംഗ് ടെസ്റ്റിറ്റില് തുടക്കാരെ പരീക്ഷ പാസാകുന്നതില് ഏറ്റവും വലിയ കടമ്പയായിരുന്നു ക്ലച്ചും ഗിയറും ശരിയായ രീതിയില് മനസ്സിലാക്കുന്നത്. എന്നാല് ട്രാന്സ്പോര്ട്ട് കമ്മീഷണറുടെ ഉത്തരവോടെ ഡ്രൈവിങ് ടെസ്റ്റ് കൂടുതല് എളുപ്പമാകും. ഓട്ടോമാറ്റിക് വാഹനം ഉപയോഗിച്ചാണ് ലൈസന്സ് എടുക്കുന്നതെങ്കിലും ഗിയര് ഉള്ള വാഹനം ഓടിക്കാം.