സമ്മര് ബമ്പര് പത്തു കോടിയുടെ സമ്മാനം അടിച്ചത് നടി രജനി ചാണ്ടിയുടെ സഹായിയായ അസം സ്വദേശിക്ക്
സംസ്ഥാന സര്ക്കാരിന്റെ സമ്മര് ബമ്പറിന്റെ ഒന്നാം സമ്മാനമായ പത്തുകോടി രൂപ അടിച്ചത് അസം സ്വദേശിക്ക്. നടി രജനി ചാണ്ടിയുടെ സഹായി കൂടിയായ ആല്ബര്ട്ട് ടിഗയ്ക്കാണ് പത്തുകോടിയുടെ ബമ്പറടിച്ചത്. ടിക്കറ്റ് ആലുവയിലെ ബാങ്കില് നല്കിയെന്ന ആല്ബര്ട്ട് അറിയിച്ചു.
ഇന്നലെ ഗോര്ക്കി ഭവനില് വച്ചായിരുന്നു നറുക്കെടുപ്പ്. SE 222282 നമ്പര് ടിക്കറ്റിനായിരുന്നു ഒന്നാം സമ്മാനം. രണ്ടാം സമ്മാനം 50 ലക്ഷം രൂപ SB 152330 ടിക്കറ്റിന് ലഭിച്ചു. മൂന്നാം സമ്മാനം അഞ്ചു ലക്ഷം വീതം 12 പേര്ക്ക് ലഭിക്കും. SA 138095, SB 284943, SD 286752, SE 300115, SA 520549, SC 112247, SD 539744, SG 330278, SB 211059, SC 475578, SE 260917, SG 519512 എന്നീ ടിക്കറ്റുകള്ക്കാണ് മൂന്നാം സമ്മാനം.