ബിജെപി ഒരിക്കല് കൂടി അധികാരത്തില് വന്നാല് രാജ്യത്തിന്റെ തകര്ച്ച സംഭവിക്കുമെന്ന് രമേശ് ചെന്നിത്തല
ദില്ലി: ബിജെപി ഒരിക്കല് കൂടി അധികാരത്തില് വന്നാല് രാജ്യത്തിന്റെ തകര്ച്ച സംഭവിക്കുമെന്ന് രമേശ് ചെന്നിത്തല. ലോക്സഭ തെരഞ്ഞെടുപ്പില് ഈ നിര്ബന്ധ ബുദ്ധിയോടെ പ്രവര്ത്തിക്കുമെന്നും കോണ്ഗ്രസിന് തികഞ്ഞ വിജയ പ്രതീക്ഷയുണ്ടെന്നും അദ്ദേഹം പറഞ്ഞു. ഇന്ത്യ മുന്നണിയിലെ അഭിപ്രായ വ്യത്യാസങ്ങള് പരിഹരിക്കാന് സമയം ഉണ്ടെന്നും ലോക്സഭ തെരഞ്ഞെടുപ്പിലേക്കുള്ള ഒരുക്കങ്ങള് ഇന്ന് ചേരുന്ന കോണ്ഗ്രസ് പ്രവര്ത്തക സമിതി ചര്ച്ച ചെയ്യുമെന്നും അദ്ദേഹം കൂട്ടിചേര്ത്തു.
അതേസമയം കേരളത്തിലെ കോണ്ഗ്രസ് എംപിമാരുടെ പ്രവര്ത്തനത്തെക്കുറിച്ചുള്ള തെരഞ്ഞെടുപ്പ് വിദഗ്ധന് സുനില് കനുഗോലുവിന്റെ നേതൃത്വത്തിലുള്ള പ്രൊഫഷണല് ടീം തയ്യാറാക്കുന്ന റിപ്പോര്ട്ട് കെപിസിസിക്ക് പത്ത് ദിവസത്തിനകം കൈമാറും. എംപിമാരുടെ പ്രവര്ത്തനങ്ങളില് വോട്ടര്മാര് തൃപ്തരാണോ ആരൊക്കെ മത്സരിച്ചാല് ജയസാധ്യതയുണ്ട് മാറേണ്ടവര് ആരൊക്കെ എന്നി ചോദ്യങ്ങള്ക്കുള്ള കൃത്യമായ ഉത്തരം ലഭിക്കുന്നതായിരിക്കും സര്വേ. തെരഞ്ഞെടുപ്പ് തന്ത്രജ്ഞന് സുനില് കനുഗോലുവിന്റെ നേതൃത്വത്തിലുള്ള ടീം സംസ്ഥാനമാകെ സഞ്ചരിച്ചാണ് സര്വേ തയ്യാറാക്കുന്നത്.