സുപ്രീംകോടതിയിലെ ആദ്യ വനിതാ ചീഫ് ജസ്റ്റിസ് ഫാത്തിമ ബീവി അന്തരിച്ചു
കൊല്ലം: സുപ്രീംകോടതിയിലെ ആദ്യ വനിതാ ചീഫ് ജസ്റ്റിസ് ഫാത്തിമ ബീവി അന്തരിച്ചു. 96 വയസ്സായിരുന്നു. ആദ്യ നിയമ വിദ്യാര്ത്ഥിനി, ഗവര്ണര് തുടങ്ങിയ പദവികള് അലങ്കരിച്ച വ്യക്തിയാണ് ഫാത്തിമ ബീവി. കൊല്ലത്തെ സ്വകാര്യ ആശുപത്രിയിലായിരുന്നു അന്ത്യം.
പിന്നാക്ക വിഭാഗ കമ്മീഷന് ആദ്യ അധ്യക്ഷ, പ്രഥമ കേന്ദ്ര മനുഷ്യാവകാശ കമ്മീഷനംഗം എന്നീ നിലകളിലും പ്രവര്ത്തിച്ചിട്ടുണ്ട്.1950 നവംബര് 14-നാണ് ഫാത്തിമ ബീവി അഭിഭാഷകയായി ഔദ്യോഗിക ജീവിതം ആരംഭിക്കുന്നത്. 1958 മെയ് മാസം സബോഡിനേറ്റ് മുന്സിഫായി നിയമിതയായി. 1968-ല് സബ് ഓര്ഡിനേറ്റ് ജഡ്ജ് ആയി സ്ഥാനക്കയറ്റം ലഭിച്ചു. പിന്നീട് 1972-ല് ചീഫ് ജുഡീഷ്യന് മജിസ്ട്രേറ്റ് ആയും 1974-ല് ജില്ലാ സെഷന്സ് ജഡ്ജി ആയി. 1980 ജനുവരിയില് ഇന്കംടാക്സ് അപ്പലേറ്റ് ട്രൈബ്യൂണലില് ജുഡീഷ്യല് അംഗമായി.
1984 ഹൈക്കോടതി ജഡ്ജിയായി നിയമിക്കപ്പെട്ടു. 1984-ല് തന്നെ ഹൈക്കോടതിയിലെ സ്ഥിരം ജഡ്ജിയായി നിയമനം ലഭിച്ചു. 1989 ഏപ്രില് 29-ന് ഹൈക്കോടതിയില് നിന്നും വിരമിച്ചെങ്കിലും 1989 ഒക്ടോബര് 6-ന് സുപ്രീം കോടതിയില് ജഡ്ജിയായി നിമനം ലഭിച്ചു. 1992 ഏപ്രില് 29-നാണ് വിരമിച്ചത്.