റേഷന് വിതരണത്തിന് സപ്ലൈകോയ്ക്ക് 186 കോടി അനുവദിച്ചു
തിരുവനന്തപുരം: റേഷന് വിതരണവുമായി ബന്ധപ്പെട്ട് സംസ്ഥാന സിവില് സപ്ലൈസ് കോര്പറേഷന് സംസ്ഥാന സര്ക്കാര് 185.64 കോടി രൂപ അനുവദിച്ചു. റേഷന് സാധനങ്ങള് വിതരണത്തിന് എത്തിക്കുന്നതിനുള്ള വാഹന വാടക, കൈകാര്യ ചെലവ് എന്നിവയുടെ വിതരണത്തിനായാണ് തുക അനുവദിച്ചതെന്ന് സംസ്ഥാന ധനകാര്യ വകുപ്പ് അറിയിച്ചു.
റേഷന് സാധനങ്ങള് വിതരണത്തിന് ആവശ്യമായ തുകയുടെ കേന്ദ്ര സര്ക്കാര് വിഹിതം ഒമ്പത് മാസമായിട്ടും ലഭ്യമാക്കിയിട്ടില്ല. ഈ സാഹചര്യത്തിലാണ് സംസ്ഥാനം ഈ ഇനത്തില് ഒരു വര്ഷത്തേയ്ക്ക് ബജറ്റില് നീക്കിവച്ച തുക മുഴുവന് കോര്പറേഷന് നല്കാന് തീരുമാനിച്ചതെന്നും സംസ്ഥാന ധനകാര്യ വകുപ്പ് പുറത്തിറക്കിയ പ്രസ്താവനയില്ഡ പറയുന്നു. ദേശീയ ഭക്ഷ്യ സുരക്ഷ നിയമ പ്രകാരവും അല്ലാതെയുമുള്ള റേഷന് വിതരണവുമായി ബന്ധപ്പെട്ട് കേന്ദ്ര സര്ക്കാര് അനുവദിക്കേണ്ട തുക മുഴുവന് കുടിശികയാക്കുന്ന സാഹചര്യത്തിലാണ് സംസ്ഥാന സര്ക്കാരിന്റെ ഇടപെടലെന്നു ധനകാര്യമന്ത്രിയുടെ ഓഫീസി അറിയിച്ചു