ആഭിചാരക്രിയയ്ക്ക് വഴങ്ങാത്തതിന് ഭാര്യയുടെ മുഖത്ത് തിളച്ച മീന്കറി ഒഴിച്ച് ഭര്ത്താവിന്റെ ആക്രമണം
കൊല്ലം ആയൂരില് ആഭിചാരക്രിയക്ക് തയ്യാറാവാത്തതിന്റെ പേരില് ഭാര്യയുടെ മുഖത്ത് ഭര്ത്താവ് തിളച്ച മീന്കറി ഒഴിച്ച് പൊള്ളലേല്പ്പിച്ചു.ഇന്നലെ രാവിലെ 9 മണിയോടെയാണ് സംഭവം. ഭാര്യയുടെ ശരീരത്ത് സാത്താന്റെ ശല്യം ഉണ്ടെന്ന് പറഞ്ഞാണ് റജിലയെ ഭര്ത്താവ് സജീര് ആക്രമിച്ചത്.
ഇന്നലെ രാവിലെ മന്ത്രവാദിയെ കണ്ട ശേഷം ജപിച്ച് നല്കിയ ചരടുകള് ശരീരത്ത് ധരിപ്പിക്കാന് ശ്രമിക്കുന്നതിനിടെ ഇരുവരും തമ്മില് വാക്കേറ്റവും തര്ക്കവും ഉണ്ടാവുകയായിരുന്നു. മുടിയഴിച്ചിട്ട് മന്ത്രവാദ കര്മ്മങ്ങള് നടത്താന് റജിലയെ നിര്ബന്ധിച്ചു, വഴങ്ങാതിരുന്നതോടെ അടുക്കളയില് ഇരുന്ന തിളച്ച മീന് കറി റജിലയുടെ മുഖത്തേക്ക് ഒഴിക്കുകയായിരുന്നു.
പൊള്ളലേറ്റ റജിലയുടെ നിലവിളി കേട്ട് നാട്ടുകാരും ബന്ധുക്കളും ഓടിയെത്തി. ആദ്യം ആയൂരിലെ സ്വകാര്യ ആശുപത്രിയിലും പിന്നീട് അഞ്ചലിലെ ആശുപത്രിയിലും റജിലയെ എത്തിക്കുകയായിരുന്നു. മുഖത്ത് ഗുരുതരമായി പൊള്ളലേറ്റ റജില ആശുപത്രിയില് ചികിത്സയില് തുടരുകയാണ്. ഒളിവില് പോയ ഭര്ത്താവ് സജീറിനെ പിടികൂടാനായി പൊലീസ് അന്വേഷണം ആരംഭിച്ചു. ആഭിചാരക്രിയ നടത്താന് സജീറിനെ പ്രേരിപ്പിച്ച മന്ത്രവാദിയെ കേന്ദ്രീകരിച്ചുള്ള വിവരങ്ങളും പൊലീസ് ശേഖരിക്കുകയാണ്. മുന്പ് നിരവധി തവണ ഭര്ത്താവ് അക്രമിച്ചിട്ടുണ്ടെന്ന് റജില പറഞ്ഞു.