ഓഹരി വിപണിയില് അദാനി ഗ്രൂപ്പിന് കനത്ത തിരിച്ചടി; ഷെയറുകള് 20% വരെ ഇടിഞ്ഞു
അദാനി ഗ്രൂപ്പിന്റെ തുടര് ഓഹരി സമാഹരണത്തിൽ കമ്പനിയുടെ എല്ലാ ഓഹരികളും വന് നഷ്ടത്തില്. അദാനി ഗ്രൂപ്പിന്റെ ഓഹരികള് 20% വരെ ഇടിഞ്ഞു. ശതകോടികളുടെ നഷ്ടമാണ് ഉണ്ടായിട്ടുളളതെന്നാണ് റിപ്പോർട്ട്.
ഓഹരി വിപണിയില് അദാനി ഗ്രൂപ്പിന് കനത്ത തിരിച്ചടി നേരിടുന്നതിനിടെയാണ് ഈ ഓഹരി സമാഹരണം നടത്തിയത്. രാജ്യത്തെ ഏറ്റവും വലിയ തുടര് ഓഹരി സമാഹരണമാണ് ഇന്ന് മുതല് ചൊവ്വാഴ്ച്ച വരെ നടക്കുന്നത്. കടം തിരിച്ചടവിനും മറ്റു ചിലവുകള്ക്കുമായുള്ള തുക നേടുക എന്നതാണ് ഈ തുടര് ഓഹരി സമാഹരണം കൊണ്ട് അദാനി ഗ്രൂപ്പ് ലക്ഷ്യമിടുന്നത്. ഒരു ദിവസത്തെ ഇടവേളയ്ക്ക് ശേഷമാണ് വിപണി ഇന്ന് വ്യാപാരം പുനരാരംഭിക്കുന്നത്.
ഹിന്ഡന് ബര്ഗ് റിപ്പോര്ട്ട് പുറത്ത് വന്നതോടെ അദാനി ഗ്രൂപ്പ് ലിസ്റ്റ് ചെയ്തിരുന്ന എല്ലാ കമ്പനികളുടെയും ഓഹരി മൂല്യം കഴിഞ്ഞ ദിവസം ഇടിഞ്ഞിരുന്നു. ഓഹരി മൂല്യം പെരുപ്പിച്ച് കാണിക്കുന്നുവെന്ന റിപ്പോര്ട്ടാണ് ഹിന്ഡന്ബര്ഗ് അദാനി ഗ്രൂപ്പിനെതിരായി പുറത്ത് വിട്ടത്.