ആര്യാടൻ ഷൗക്കത്ത് പാണക്കാട്ടെത്തി; തങ്ങളുടെ അനുഗ്രഹാശിസുകൾ കരുത്തും ശക്തിയുമാണെന്ന്
മലപ്പുറം: നിലമ്പൂരിലെ യു.ഡി.എഫ് സ്ഥാനാർഥി ആര്യാടൻ ഷൗക്കത്ത് പാണക്കാട്ടെത്തി മുസ് ലിം ലീഗ് മലപ്പുറം ജില്ല അധ്യക്ഷൻ അബ്ബാസലി ശിഹാബ് തങ്ങളെ കണ്ടു. പി.കെ. കുഞ്ഞാലിക്കുട്ടി, പാണക്കാട് മുനവ്വറലി ശിഹാബ് തങ്ങൾ, പി.എം.എ സലാം, ഇസ്മായിൽ മൂത്തേടം, ടി.പി. അഷ്റഫലി എന്നിവരും കൂടിക്കാഴ്ചയിൽ പങ്കെടുത്തു.
പാണക്കാട് തങ്ങളുടെ അനുഗ്രഹാശിസുകൾ കരുത്തും ശക്തിയുമാണെന്ന് ആര്യാടൻ ഷൗക്കത്ത് പറഞ്ഞു. ഡി.സി.സി ഓഫിസും സന്ദർശിച്ചു. കെ.പി.സി.സി ജനറൽ സെക്രട്ടറി പി. സലീം, ഡി.സി.സി അധ്യക്ഷൻ വി.എസ്. ജോയി എന്നിവർ ഒപ്പമുണ്ടായിരുന്നു.