ഏഷ്യാനെറ്റ് ന്യൂസ് ജീവനക്കാരുടെ മുന്കൂര് ജാമ്യാപേക്ഷ പരിഗണിക്കുന്നത് മാര്ച്ച് 10ലേക്ക് മാറ്റി.
ഏഷ്യാനെറ്റ് ന്യൂസ് ജീവനക്കാര് നല്കിയ മുന്കൂര് ജാമ്യാപേക്ഷ പരിഗണിക്കുന്നത് മാര്ച്ച് 10ലേക്ക് കോടതി മാറ്റി. പൊലീസ് റിപ്പോര്ട്ട് സമര്പ്പിക്കാന് പ്രോസിക്യൂഷന് കൂടുതല് സമയം ആവശ്യപ്പട്ടിട്ടുണ്ട്. കോഴിക്കോട് പോക്സോ കോടതിയാണ് ജാമ്യഹര്ജി പരിഗണിക്കുക. സിന്ധു സൂര്യകുമാര്, ഷാജഹാന്, നൗഫല്, നീലി ആര് നായര് എന്നിവരാണ് ജാമ്യാപേക്ഷ സമര്പ്പിച്ചത്.
പ്രായപൂര്ത്തിയാകാത്ത പെണ്കുട്ടിയെ ഉപയോഗിച്ച് വ്യാജവാര്ത്ത ചമച്ചെന്ന ആരോപണത്തിലാണ് ഏഷ്യാനെറ്റ് ന്യൂസിനെതിരെ പൊലീസ് കേസെടുത്തിരിക്കുന്നത്. ചാനലിലെ മാധ്യമ പ്രവര്ത്തകരായ സിന്ധു സൂര്യകുമാര്, ഷാജഹാന്, നൗഫല് ബിന് യൂസഫ് അടക്കം 4 പേര്ക്കെതിരെ കോഴിക്കോട് വെള്ളയില് പൊലീസാണ് കേസെടുത്തത്. പി വി അന്വര് എംഎല്എയുടെ പരാതിയിലാണ് നടപടി.