മാധ്യമപ്രവര്ത്തകന് സിദ്ദിഖ് കാപ്പന് ഇ ഡി കേസിലും ജാമ്യം ലഭിച്ചു
ലയാളി മാധ്യമപ്രവര്ത്തകന് സിദ്ദിഖ് കാപ്പന് ഇ ഡി കേസിലും ജാമ്യം. അലഹബാദ് ഹൈക്കോടതിയാണ് സിദ്ദിഖ് കാപ്പന്റെ ജാമ്യാപേക്ഷ പരിഗണിച്ചത്. ഇഡി കേസില് കൂടി ജാമ്യം ലഭിച്ചതോടെ സിദ്ദിഖ് കാപ്പന് ജയില് മോചിതനാകും. നേരത്തെ യുഎപിഎ കേസില് സുപ്രീംകോടതി ജാമ്യം അനുവദിച്ചെങ്കിലും ഇഡി കേസില് ജാമ്യം ലഭിക്കാതിരുന്നതിനാല് പുറത്തിറങ്ങാന് കഴിഞ്ഞിരുന്നില്ല.
2020 ഒക്ടോബര് അഞ്ചിനാണ് സിദ്ദിഖ് കാപ്പന് അറസ്റ്റിലായത്.
ഹാത്രസിലേക്ക് പോകും വഴി യുപി സര്ക്കാര് യുഎപിഎ ചുമത്തി ജയിലിലടക്കപ്പെട്ട സിദ്ദിഖ് കാപ്പന് കഴിഞ്ഞ മാസം 9 തിനാണ് സുപ്രീംകോടതി ജാമ്യം അനുവദിച്ചത്. യുപി പോലീസ് കണ്ടെത്തിയ തെളിവുകള് അപര്യാപ്തമാണെന്ന് ചൂണ്ടിക്കാട്ടിയാണ് ചീഫ് ജസ്റ്റിസ് യു യു ലളിത് അധ്യക്ഷനായ ബെഞ്ച് ജാമ്യം നല്കിയത്. അടുത്ത ആറാഴ്ച കാപ്പന് ഡല്ഹിയില് തങ്ങണം എന്ന നിബന്ധനയിലായിരുന്നു ജാമ്യം.