ചമ്പക്കുളം മൂലം ജലോത്സവം ഇന്ന് ഉച്ചക്ക് രണ്ട് മണിക്ക് പമ്പയാറ്റില്
കുട്ടനാട്: കേരളത്തിലെ ജലമേളകള്ക്ക് തുടക്കം കുറിക്കുന്ന ചമ്പക്കുളം മൂലം ജലോത്സവം ഇന്ന് ഉച്ചക്ക് 2 മണിമുതല് പമ്പയാറ്റിൽ അരങ്ങേറും. രാവിലെ 11.30ന് മഠത്തില് ക്ഷേത്രത്തിലും മാപ്പിളശ്ശേരി തറവാട്ടിലും കല്ലൂര്ക്കാട് ബസിലിക്കയിലും തിരുവിതാംകൂര് ദേവസ്വം അധികാരികള് നടത്തുന്ന ആചാരാനുഷ്ഠാനങ്ങള്ക്ക് ശേഷമാണ് വളളംകളി ആരംഭിക്കുക.
ഉച്ചക്ക് 1.30 നു ജില്ലാ കളക്ടര് രേണുരാജ് ഐ എ എസ് പതാക ഉയര്ത്തും. 2.35 ന് ജലഘോഷയാത്ര കൊടിക്കുന്നില് സുരേഷ് എം പി ഫ്ലാഗ് ഓഫ് ചെയ്യും. ഇടവേളയില് ചേരുന്ന സാംസ്കാരിക സമ്മേളനം ജില്ലാ പഞ്ചായത്ത് പ്രസിഡന്റ് കെ ജി രാജേശ്വരി ഉല്ഘാടനം ചെയ്യും. വൈകിട്ട് 5 ന് സമ്മാനദാനം തിരുവിതാംകൂര് ദേവസ്വം ബോര്ഡ് പ്രസിഡന്റ് കെ അനന്തഗോപന് നിര്വ്വഹിക്കും.
വള്ളങ്ങളുടെ ഹിറ്റ്സും, ട്രാക്കും.
ചുണ്ടന് വള്ളങ്ങളുടെ പ്രാഥമിക മത്സരത്തില് ഒന്നാം ഹീറ്റ്സില് ഒന്നാം ട്രാക്കില് വീയപുരം പുത്തന് ചുണ്ടന്: വാരിയേഴ്സ് ബോട്ട് ക്ലബ്ബ്,ക്യാപ്റ്റന് സുനില് ജോസഫ് വഞ്ചിക്കല്. രണ്ടാം ട്രാക്കില് ചമ്പക്കുളം: കേരളാ പോലീസ്,ക്യാപ്റ്റന് എം.സി.കുഞ്ചപ്പന്.മുണ്ടക്കല് ചമ്പക്കുളം,മൂന്നാം ട്രാക്കില് ജവഹര് തായങ്കരി: യു.ബി.സി.കൈനകരി.ക്യാപ്റ്റന് പത്മകുമാര് പി.ആര്, പുത്തന്പറമ്പിൽ, കുട്ടമംഗലം.
രണ്ടാം ഹീറ്റ്സില് ഒന്നാം ട്രാക്കില് ആയാപറമ്പ് പാണ്ടി: പായിപ്പാട് ബോട്ട് ക്ലബ്ബ് ,ക്യാപ്റ്റന് ജെയിംസുകുട്ടി ജേക്കബ്, തെക്കേച്ചിറയില്, തിരുവാര്പ്പ്. രണ്ടാം ട്രാക്കില് ചമ്ബക്കുളം-2: ചമ്പക്കുളം ബോട്ട് ക്ലബ്ബ്,ക്യാപ്റ്റന് കുര്യാക്കോസ് അലക്സ്, കല്ലൂത്തറ,ചമ്പക്കുളം.
മൂന്നാം ട്രാക്കില് നടുഭാഗം: നടുഭാഗം ബോട്ട് ക്ലബ്ബ്.ക്യാപ്റ്റന് ബിജോമോന് ജോസഫ് മണത്ര, ചമ്പക്കുളം.
മൂന്നാം ഹീറ്റ്സില് ഒന്നാം ട്രാക്കില് ആനാരി പുത്തന് ചുണ്ടന്: വില്ലേജ് ബോട്ട് ക്ലബ്ബ,ക്യാപ്റ്റന് മരിയാപുരം ജോബി വര്ഗ്ഗീസ് ആലപ്പാട്
രണ്ടാം ട്രാക്കില് കാരിച്ചാല്: കാരിച്ചാല് ബോട്ട് ക്ലബ്ബ്,ക്യാപ്റ്റന് ബൈജു ജോര്ജ്ജ് ആശാരിപറമ്പിൽ, കാരിച്ചാല്.
മൂന്നാം ട്രാക്കില് സെന്റ് ജോര്ജ്ജ്: സെന്റ് ജോര്ജ്ജ് ചുണ്ടന് ഫാന്സ് ക്ലബ്ബ് & കരുമാടിക്കുട്ടന് ബോട്ട് ബോട്ട് ക്ലബ്. ക്യാപ്റ്റന് പി.എസ്.ഗിരീഷ്. എന്നിങ്ങനെയാണ് വള്ളങ്ങളുടെ ഹിറ്റ്സും, ട്രാക്കും.