പുതുപ്പളളിയില് പുതിയ എം എല് എ ഓഫീസ് തുറന്ന് ചാണ്ടി ഉമ്മന്
കോട്ടയം: പുതുപ്പളളിയില് പുതിയ എം എല് എ ഓഫീസ് തുറന്ന് ചാണ്ടി ഉമ്മന്. അരനൂറ്റാണ്ടിന് ശേഷമാണ് പുതുപ്പളളിയില് എം എല് എ ഓഫീസ് പ്രവര്ത്തിക്കുന്നത്. മണ്ഡലത്തില് ഇതോടെ എം എല് എ ഓഫീസ് ഇല്ലെന്ന രാഷ്ട്രീയ ആരോപണത്തിന് പരിഹാരമാകുകയാണ്.
ചാണ്ടി ഉമ്മന് താമസിക്കുന്നതിനും ആളുകളെ കാണുന്നതിനും പുതിയ ഓഫീസില് സൗകര്യമുണ്ട്. വാടകയ്ക്ക് എടുത്ത വീടാണ് എം എല് എ ഓഫീസായി പ്രവര്ത്തനമാരംഭിച്ചത്. പുതുപ്പളളി – കറുകച്ചാല് റോഡില് ചാലുങ്കല്പ്പടിക്ക് സമീപത്തായിട്ടാണ് പുതിയ ഓഫീസ് സ്ഥിതി ചെയ്യുന്നത്. മുന്പ് പുതുപ്പളളിയിലെ കരോട്ടുവളളക്കാല കുടുംബവീട്ടില് വച്ചായിരുന്നു ചാണ്ടി ഉമ്മന് ആളുകളെ കണ്ടിരുന്നത്.