ആര്യാടന് മുഹമ്മദിന്റെ നിര്യാണത്തില് അനുശോചനം
ഗതാഗതമന്ത്രി ആന്റണി രാജു അനുശോചനം അറിയിച്ചു
തിരുവനന്തപുരം : കോൺഗ്രസ് നേതാവും മുൻ മന്ത്രിയുമായ ആര്യാടൻ മുഹമ്മദിന്റെ നിര്യാണത്തിൽ ഗതാഗതമന്ത്രി ആന്റണി രാജു അനുശോചനം അറിയിച്ചു. കേരള രാഷ്ട്രീയത്തിലെ പ്രഗത്ഭനായ നിയമസഭാംഗവും സമർത്ഥനായ ഭരണാധികാരിയു മായിരുന്നു അദ്ദേഹം എന്ന് മന്ത്രി പറഞ്ഞു. കുടുംബാംഗങ്ങളോടൊപ്പം ദുഃഖത്തിൽ പങ്കു ചേരുന്നതായി മന്ത്രി ആന്റണി രാജു പറഞ്ഞു
കെപിസിസി പ്രസിഡന്റ് കെ.സുധാകരന് എംപി അനുശോചിച്ചു.
ഏഴുപതിറ്റാണ്ട് കോണ്ഗ്രസിന് ഊടും പാവും നെയ്ത ദീപ്തമായ പൊതുജീവിതത്തിനാണ് വിരാമമായത്. കോണ്ഗ്രസ് വികാരം നെഞ്ചോട് ചേര്ത്ത് പ്രവര്ത്തിച്ച തികഞ്ഞ മതേതരവാദിയായ നേതാവ്. അഗാതമായ അറിവും രാഷ്ട്രീയ നിലപാട് തന്റെടത്തോടെ ആരുടെ മുന്പിലും പറയാനുള്ള ധൈര്യവുമാണ് മറ്റുള്ള നേതാക്കളില് നിന്നും ആര്യാടനെ വ്യത്യസ്തനാക്കിയത്. കോണ്ഗ്രസിന്റെ പാരമ്പര്യവും മഹത്വവും ആശയങ്ങളും ആരുടെ മുന്നിലും അടിയറവ് വയ്ക്കേണ്ടതല്ലെന്ന് ഉറക്കെ വിളിച്ച പറഞ്ഞ നേതാവ്. യുവജന വിദ്യാര്ത്ഥി പ്രസ്ഥാനങ്ങള്ക്ക് എന്നും ആവേശം പകര്ന്ന് സാധാരണക്കാരുടെ നേതാവായി വളര്ന്ന വ്യക്തിയാണ് ആര്യാടന്. ജനം അതിന് നല്കിയ അംഗീകാരമായിരുന്നു നിലമ്പൂര് മണ്ഡലത്തില് നിന്നും അദ്ദേഹത്തെ എട്ടുതവണ നിമയസഭയിലേക്ക് അയച്ചത്. കഷ്ടപ്പെടുന്ന ജനവിഭാഗത്തിന് വേണ്ടി എന്നും നിലകൊണ്ട നേതാവ് കൂടിയായിരുന്നു അദ്ദേഹം.
മികച്ച ഭരണകര്ത്താവും സമാജികനുമായിരുന്നു ആര്യാടന്.പുതുതലമുറയ്ക്ക് മാത്യകയാക്കാവുന്ന വ്യക്തിത്വമാണ് അദ്ദേഹത്തിന്റെത്. തൊഴില്വകുപ്പ് മന്ത്രിയായിരിക്കെ അദ്ദേഹമാണ് തൊഴില് രഹിത വേതനവും കര്ഷക തൊഴിലാളി പെന്ഷനും നടപ്പാക്കിയത്.ഏത് പ്രതിസന്ധിഘട്ടത്തിലും തന്ത്രപരമായ തീരുമാനങ്ങള് എടുക്കുന്നതിലും പ്രശ്നപരിഹാരം കണ്ടെത്തുന്നതിലും ആര്യാടന് കാട്ടിയിട്ടുള്ള കഴിവും ദീര്ഘവീക്ഷണവും കാലം എന്നും ഓര്മ്മിക്കും.മലബാര് മേഖലയില് കോണ്ഗ്രസിനെ പടുത്തുയര്ത്തുന്നതില് ആര്യാടന്റെ പങ്ക് വളരെ വലുതാണ്.ആശുപത്രിയില് പ്രവേശിച്ച ശേഷം ഞാന് അദ്ദേഹത്തെ ഫോണില് ബന്ധപ്പെടുകയും ആരോഗ്യസ്ഥിതി ചോദ്യച്ചറിയുകയും ചെയ്തിരുന്നു.എന്നും പോരാട്ടം ജീവിതം നയിച്ചിട്ടുള്ള ആര്യാടന് ആരോഗ്യ പ്രതിസന്ധിയെ അതിജീവിച്ച് മടങ്ങിവരുമെന്നാണ് മറ്റെല്ലാവരെപ്പോലെ ഞാനും വിശ്വസിച്ചത്. എന്നാല് അദ്ദേഹത്തിന്റെ പൊടുന്നനെയുള്ള ദേഹവിയോഗം ഉള്ക്കൊള്ളാന് സാധിക്കുന്നില്ല.കോണ്ഗ്രസ് രാഷ്ട്രീയത്തില് ആര്യാടന് ഒഴിച്ചിട്ട ഇടം ആര്ക്കും നികത്താന് സാധിക്കാത്തതാണ്. അദ്ദേഹത്തിന്റെ ആത്മാവിന് നിത്യശാന്തി ലഭിക്കട്ടെയെന്നും പ്രാര്ത്ഥിക്കുന്നു.
സ്പീക്കർ അനുശോചിച്ചു
പ്രമുഖ കോൺഗ്രസ് നേതാവും മുൻ മന്ത്രിയുമായ ആര്യാടൻ മുഹമ്മദിന്റെ നിര്യാണത്തിൽ നിയമസഭാ സ്പീക്കർ എ എൻ ഷംസീർ അനുശോചിച്ചു.
ശ്രദ്ധേയനായ നിയമസഭാ സാമാജികൻ എന്ന നിലയിലും മതനിരപേക്ഷ നിലപാടുകൾ ഉയർത്തിപ്പിടിക്കുന്നതിന് മുൻപന്തിയിൽ നിന്ന വ്യക്തി എന്ന നിലയിലും അദ്ദേഹം വളരെയേറെ ശ്രദ്ധേയനായിരുന്നു.ജനകീയനായ നേതാവായിരുന്നു ആര്യാടൻ മുഹമ്മദ്.
അദ്ദേഹത്തിൻ്റെ കുടുംബാംഗങ്ങളുടേയും, സുഹൃത്തുക്കളുടേയും, പാർട്ടി പ്രവർത്തകരുടേയും ദു:ഖത്തിൽ സ്പീക്കറും പങ്കു ചേർന്നു.