വിവാദങ്ങള്‍ അടഞ്ഞ അധ്യായം; വിഷയത്തില്‍ പാര്‍ട്ടി നടപടി സ്വീകരിച്ചിട്ടുണ്ടെന്നും കെ സി വേണുഗോപാല്‍
രാഹുല്‍ മാങ്കൂട്ടത്തിലിനെതിരെ നിരവധി സ്ത്രീകള്‍ ആരോപണം ഉന്നയിച്ച പശ്ചാത്തലത്തില്‍ പ്രതികരണവുമായി എഐസിസി ജനറല്‍ സെക്രട്ടറി കെ സി വേണുഗോപാല്‍. വിവാദങ്ങള്‍ അടഞ്ഞ അധ്യായമാണെന്നും വിഷയത്തില്‍ പാര്‍ട്ടി നടപടി സ്വീകരിച്ചിട്ടുണ്ടെന്നും കെ സി വേണുഗോപാല്‍ പറഞ്ഞു.
രാഹുലുമായി ബന്ധപ്പെട്ട് തുടര്‍ നടപടിയെടുക്കാന്‍ കേരളത്തിലെ നേതാക്കള്‍ കരുത്തരാണെന്ന് കെ സി വേണുഗോപാല്‍ പറഞ്ഞു. ‘ഇങ്ങനെയൊരു ആരോപണം വന്നപ്പോള്‍ മറ്റ് പാര്‍ട്ടികളേക്കാള്‍ ഒക്കെ വേഗത്തില്‍ കോണ്‍ഗ്രസ് നടപടിയെടുത്തു. ദാറ്റ്‌സ് ആള്‍.’എന്നായിരുന്നു കെ സി വേണുഗോപാലിന്റെ പ്രതികരണം. രാജി ആവശ്യപ്പെടുന്നവര്‍ മുന്‍പ് ഇത്തരം പരാതി വന്നപ്പോള്‍ എന്താണ് ചെയ്തതെന്ന് ജനങ്ങള്‍ക്ക് അനുഭവമുള്ളതാണല്ലോ എന്നും കെ സി വേണുഗോപാല്‍ പറഞ്ഞു.