പ്രണയദിനത്തില് പശുവിനെ കെട്ടിപിടിക്കണ്ട ! വിവാദ കൗ ഹഗ് ഡേ സര്ക്കുലര് കേന്ദ്രം പിന്വലിച്ചു
പ്രണയ ദിനമായ ഫെബ്രുവരി 14 ന് ‘കൗ ഹഗ് ഡേ’ ആയി ആചരിക്കാന് ആഹ്വാനംചെയ്ത് കേന്ദ്ര മൃഗസംരക്ഷണ ബോര്ഡ് പുറത്തിറക്കിയ സര്ക്കുലര് കേന്ദ്രസര്ക്കാര് ഇടപെട്ട് പിന്വലിച്ചു. സര്ക്കുലര് സാമൂഹ്യമാധ്യമങ്ങളിലടക്കം വന് വിവാദമായതിന് പിറകെയാണ് സര്ക്കാര് നടപടി. പശു ഇന്ത്യന് സംസ്കാരത്തിന്റെ നട്ടെല്ലാണെന്ന് ചൂണ്ടിക്കാട്ടിയായിരുന്നു സര്ക്കുലര്
ഫെബ്രുവരി ആറിനാണ് ഇത് സംബന്ധിച്ച സര്ക്കുലര് കേന്ദ്ര മൃഗ സംരക്ഷണ ബോര്ഡ് പുറത്തിറക്കിയത്. പാശ്ചാത്യ സംസ്കാരത്തിന്റെ പുരോഗതി വേദപാരമ്പര്യത്തെ നാശത്തിന്റെ വക്കില് എത്തിച്ചിരിക്കുന്നു. പാശ്ചാത്യ സംസ്കാരത്തിന്റെ അതിപ്രസരം നമ്മുടെ പൈതൃകം മറന്നുപോകാന് ഇടയാക്കിയിരിക്കുന്നു. ഫെബ്രുവരി 14 ‘കൗ ഹഗ് ഡേ’ ആയി ആചരിക്കണമെന്നായിരുന്നു മൃഗ സംരക്ഷണ ബോര്ഡിന്റെ സര്ക്കുലറില് പറഞ്ഞിരുന്നത്.