യു.കെ യിലേക്ക് വിലക്ക് ലംഘിച്ച് കടക്കാൻ ശ്രമിച്ച സി എസ് ഐ ബിഷപ്പിനെ എന്ഫോഴ്സ്മെന്റ് വിമാനത്തവളത്തിൽ തടഞ്ഞു
തിരുവനന്തപുരം:വിദേശത്തക്ക്കടക്കാൻ ശ്രമിച്ച ബിഷപ്പിനെ എൻഫോഴ്മെന്റ് ഉദ്യോഗസ്ഥർ തടഞ്ഞു. കള്ളപ്പണ കേസിൽ അന്വേഷണം നേരിടുന്ന സി.എസ്.ഐ ബിഷപ് ധർമ്മരാജ് റസാലമാണ് യു.കെയിലേക്ക് കടക്കാൻ ശ്രമിച്ചത്. വിദേശത്തേക്ക് പോകരുതെന്ന നിർദ്ദേശം അവഗണിച്ചായിരുന്നു ബിഷപ് ധർമ്മരാജ് റസാലത്തിന്റെ രഹസ്യ യാത്ര. ഇമിഗ്രേഷൻ ഉദ്യോഗസ്ഥർ തടഞ്ഞുവച്ച ബിഷപ്പിനെ എൻഫോഴ്സ്മെന്റ് ചോദ്യം ചെയ്തു. നാളെ കൊച്ചി ഓഫീസിൽ ഹാജരാകാനും ബിഷപ്പിന് നിർദേശം നൽകിയിട്ടുണ്ട്.
സി എസ് ഐ ദക്ഷിണ കേരള ഇടവക ആസ്ഥാനത്ത് എന്ഫോഴ്സ്മെന്റ് ഡയറക്ടറേറ്റ് ഇന്നലെ റെയ്ഡ് നടത്തിയിരുന്നു. കാരക്കോണം മെഡിക്കല് കോളേജ് കേസുമായി ബന്ധപ്പെട്ടാണ് പരിശോധന നടക്കുന്നത്.
കള്ളപ്പണം വെളുപ്പിക്കലുമായി ബന്ധപ്പെട്ട് ഇ ഡി നേരത്തെ കേസ് രജിസ്റ്റര് ചെയ്തിരുന്നു. ഒരേ സമയം നാലിടങ്ങളില് ആണ് പരിശോധന നടക്കുന്നത്.
പാളയം എല് എം എസ് ആസ്ഥാനത്ത് ഇന്നലെ രാവിലെ മുതല് കൊച്ചിയില് നിന്നുള്ള ഇ ഡി സംഘം പരിശോധന നടത്തി. കൂടാതെ സി എസ് ഐ സഭാ സെക്രട്ടറി ടി ടി പ്രവീണിന്റെ രണ്ട് വീടുകളിലും കാരക്കോണം മെഡിക്കല് കോളജ് ഡയറക്ടര് ഡോ:ബെന്നറ്റ് എബ്രഹാമിന്റെ വസതിയിലും ഇ ഡിയുടെ പരിശോധന നടത്തി. രാത്രിയും റെയ്ഡ്ഡ്ഡ് തുടരുകയാണ്.
സാമ്പത്തിക ഇടപാടുകളുമായി ബന്ധപ്പെട്ട് സി എസ് ഐ സഭയ്ക്കെതിരെ മുന്പ് തന്നെ വലിയ രീതിയിലുള്ള ആരോപണങ്ങള് ഉയര്ന്നിരുന്നു.
കാരക്കോണം മെഡിക്കല് കോളജിലെ തലവരിപ്പണവുമായി ബന്ധപ്പെട്ട് എന്ഫോഴ്സ്മെന്റ് ഡയറക്ടറേറ്റ് കേസും രജിസ്റ്റര് ചെയ്തിരുന്നു. ഈ പശ്ചാത്തലത്തിലാണ് എന്ഫോഴ്സ്മെന്റ് ഡയറക്ടറേറ്റിന്റെ പുതിയ പരിശോധന.