കൊട്ടാരക്കര താലൂക്ക് ആശുപത്രിയില് വൈദ്യപരിശോധയ്ക്ക് എത്തിച്ച പ്രതിയുടെ കുത്തേറ്റ് വനിതാ ഡോക്ടര്ക്ക് ദാരുണാന്ത്യം
ഡോക്ടറെ കുത്തിയത് യുപി സ്കൂളിലെ അധ്യാപകന്
തിരുവനന്തപുരം: കൊട്ടാരക്കര താലൂക്ക് ആശുപത്രിയില് വൈദ്യപരിശോധയ്ക്ക് എത്തിച്ച പ്രതിയുടെ കുത്തേറ്റ് വനിതാ ഡോക്ടര്ക്ക് ദാരുണാന്ത്യം. ബുധനാഴ്ച പുലര്ച്ചെ നാലരയോടെയാണ് സംഭവം. പൂയപ്പള്ളിയിലെ അടിപിടി കേസില് പോലീസ് കസ്റ്റഡിയിലെടുത്ത പ്രതിയെ ആശുപത്രിയിലെത്തിച്ച് മുറിവ് തുന്നിക്കെട്ടുന്നതിനിടെയായിരുന്നു ആക്രമണം. ചികിത്സയ്ക്കിടെ കത്രിക കൈക്കലാക്കിയ ഇയാള് ഡോക്ടററുടെ കഴുത്തിലും തലയ്ക്കും മുഖത്തും കുത്തുകയായിരുന്നു.
പിന്നാലെ മറ്റുള്ളവരേയും ആക്രമിച്ചു. യാതൊരു പ്രകോപനവുമില്ലാതെയാണ് പ്രതി ആക്രമണം നടത്തിയതെന്നാണ് പോലീസ് പറയുന്നത്.
ഡാക്ടര് മരിച്ചു. കോട്ടയം സ്വദേശിയായ ഡോക്ടര് വന്ദന ദാസാണ് (23) മരിച്ചത്. നെടുമ്പന യുപി സ്കൂള് അധ്യാപകനായ പൂയപ്പള്ളി ചെറുകരക്കോണം സ്വദേശി സന്ദീപാണ് ആക്രമിച്ചത്.
ആശുപത്രിയിലെ കത്രിക ഉപയോഗിച്ചാണ് ഇയാള് ഡോക്ടറെ കുത്തിയത്. പ്രതിയുടെ ആക്രമണത്തില് പോലീസുകാര് ഉള്പ്പെടെ മറ്റു നാല് പേര്ക്കും പരിക്കേറ്റിട്ടുണ്ട്. പോലീസുകാരായ അലക്സ്, ബേബി മോഹന്, മണിലാല്, സന്ദീപിന്റെ ബന്ധു ബിനു എന്നിവര്ക്കാണ് പരിക്കേറ്റത്.
ലഹരിക്ക് അടിമയായതിനാല് സസ്പെന്ഷനിലായിരുന്നു അധ്യാപകനായ സന്ദീപ്. ഇയാള് നേരത്തേയും ആക്രമ സ്വഭാവം കാണിച്ചിരുന്ന ആളാണെന്നാണ് പോലീസ് പറയുന്നത്