മദ്യലഹരി: തൃശൂരില് രോഗിയുടെ കൂട്ടിരിപ്പുകാരന് ആംബുലന്സ് അടിച്ചു തകര്ത്തു
തൃശൂര് ചാലക്കുടിയില് രോഗിയുടെ കൂട്ടിരിപ്പുകാരന് ആംബുലന്സ് അടിച്ചു തകര്ത്തെന്ന് പരാതി. കൂടപ്പുഴ സ്വദേശി ഷിന്റോ സണ്ണിയാണ് അക്രമം നടത്തിയത്. പ്രതിയെ ചാലക്കുടി പോലീസ് കസ്റ്റഡിയിലെടുത്തു. ഇന്നലെ രാത്രിയാണ് സംഭവം നടന്നത്. ഷിന്റോയുടെ സഹോദരന് സാന്റോയെ ബൈക്ക് അപകടത്തില് പരിക്കേറ്റ് ചാലക്കുടി താലൂക്ക് ആശുപത്രിയില് പ്രവേശിപ്പിച്ചിരുന്നു. ഇവിടെ നിന്ന് സെന്റ് ജെയിംസ് ആശുപത്രിയിലേക്ക് മാറ്റാന് ആംബുലന്സ് എത്തിയപ്പോള് അക്രമാസക്തനാവുകയായിരുന്നു.
സാന്റോയുടെ പരുക്ക് ?ഗുരുതരമായതിനാല് ചാലക്കുടിയിലെ സെന്റ് ജെയിംസ് ആശുപത്രിയിലേക്ക് മാറ്റാന് ആശുപത്രി അധികൃതര് നിര്ദേശിച്ചത്. തുടര്ന്ന് രോ?ഗിയെ മാറ്റാനായി എത്തിയതായിരുന്നു ആംബുലന്സ്. താലൂക്ക് ആശുപത്രിയുടെ ആംബുലന്സാണ് അടിച്ചു തകര്ത്തത്. ഷിന്റോ മദ്യലഹരിയിലായിരുന്നു. ഒരു വശത്തെ ?ഗ്ലാസ് പൂര്ണമായി അടിച്ചുതകര്ക്കുകയായിരുന്നു. തുടര്ന്ന് ആശുപത്രി അധികൃതര് പൊലീസിനെ വിവരം അറിയിക്കുകയായിരുന്നു. ഷിന്റോയെ ചാലക്കുടി പോലീസ് എത്തി കസ്റ്റഡിയിലെടുക്കുകയായിരുന്നു. മദ്യലഹരിയിലാണ് ഷിന്റോ ആക്രമണം നടത്തിയതെന്നാണ് പൊലീസ് പറയുന്നത്.