സംസ്ഥാനത്ത് വീണ്ടും ഭക്ഷ്യവിഷബാധ; കാസര്ഗോഡ് വിദ്യാര്ത്ഥിനി മരിച്ചു
സംസ്ഥാനത്ത് വീണ്ടും ഭക്ഷ്യവിഷബാധയേറ്റ് മരണം. തലക്ലായി സ്വദേശിനി അഞ്ജുശ്രീ പാര്വ്വതിയാണ് മരിച്ചത്. മംഗലാപുരത്തെ സ്വകാര്യ ആശുപത്രിയില് വെച്ചായിരുന്നു മരണം. ഓണ്ലൈന് വഴി വാങ്ങിയ കുഴിമന്തിയില് നിന്നാണ് ഭക്ഷ്യ വിഷബാധയേറ്റതെന്നാണ് റിപ്പോര്ട്ട്. ഭക്ഷണം കഴിച്ച വീട്ടിലെ മറ്റു അംഗങ്ങള്ക്ക് ആരോഗ്യ പ്രശ്നങ്ങള് ഉണ്ടായിരുന്നു.
മംഗലാപുരത്തെ സ്വകാര്യ സ്ഥാപനത്തിലെ വിദ്യാര്ത്ഥിയാണ് അഞ്ജുശ്രീ. ക്രിസ്തുമസ് അവധിക്കും പുതുവത്സര അവധിക്കുമായി വീട്ടില് വന്നതായിരുന്നു . ഡിസംബര് 31നാണ് ഓണ്ലൈനായി കുഴിമന്തി വാങ്ങിയത്.
ഉദുമയിലെ അൽ റൊമൻസിയ ഹോട്ടലിൽ നിന്നാണ് ഭക്ഷണം വാങ്ങിയത്. കുഴിമന്തി കഴിച്ചതിന് പിന്നാലെ പെൺകുട്ടിക്ക് ശാരീരിക അസ്വസ്ഥതകൾ ഉണ്ടാവുകയായിരുന്നു. തുടർന്ന് ആശുപത്രിയിൽ പ്രവേശിപ്പിച്ചു. കഴിഞ്ഞ ദിവസം അഞ്ജുശ്രീയുടെ നില ഗുരുതരമായിരുന്നു.