നടിയെ ആക്രമിച്ച കേസില് ദിലീപിന് ക്ലീന്ചിറ്റുമായി മുന് ഡി.ജി.പി ആര്.ശ്രീലേഖ
നടിയെ ആക്രമിച്ച സംഭവത്തില് കേസന്വേഷണം നിര്ണ്ണായക ഘട്ടത്തില് നില്ക്കുന്ന അവസരത്തില് ദിലീപിന് അനുകൂലമായ വീഡിയോയുമായി മുന് ഡി.ജി.പി. ആര് ശ്രീലേഖ. കേസില് അറിഞ്ഞോ അറിയാതെയോ പങ്കുണ്ടെന്ന് കരുതുന്നില്ലെന്ന് ശ്രീലേഖ പറയുന്നു. ദിലീപിന്റെ പെട്ടെന്നുള്ള ഉയര്ച്ചയില് പലര്ക്കും അസൂയ ഉണ്ടായിരുന്നു. അയാള് ചെയ്തിരുന്ന പല കാര്യങ്ങളിലും അന്ന് വളരെ ശക്തരായ പലര്ക്കും എതിര്പ്പുണ്ടായിരുന്നു. അത്തരമൊരു സാഹചര്യത്തില് ദിലീപിന്റെ പേര് കേസില് പറയുമെന്ന് തനിക്ക് തോന്നിയിരുന്നുവെന്ന് ശ്രീലേഖ വെളിപ്പെടുത്തുന്നു. ‘സസ്നേഹം ശ്രീലേഖ’ എന്ന യൂട്യൂബ് ചാനലിലൂടെയാണ് ശ്രീലേഖയുടെ പ്രതികരണം. പള്സര് സുനിയും ദിലീപും കണ്ടതിന് തെളിവോ രേഖയോ ഇല്ലെന്നും കേസ് നിലനില്ക്കില്ല എന്ന ഘട്ടം വന്നപ്പോള് യാതൊരു അടിസ്ഥാനവുമില്ലാത്ത വെറും ഊഹാപോഹങ്ങളുമായി എത്തിയ ബാലചന്ദ്രകുമാറിനെപ്പോലുള്ള സാക്ഷികളെക്കൊണ്ട് മാധ്യമങ്ങളുടെ സഹായത്താല് കേസ് അട്ടിമറിക്കാന് ശ്രമിച്ചുവെന്നും ശ്രീലേഖ പറയുന്നു.