കിള്ളിയാര്‍ സംരക്ഷണ ഭിത്തി നിര്‍മ്മാണത്തിന് 1.26 കോടി: മന്ത്രി ആന്റണി രാജു
തിരുവനന്തപുരം നിയോജക മണ്ഡലത്തില്‍ കിള്ളിയാറിന്റെ കരകളില്‍ സംരക്ഷണഭിത്തി നിര്‍മ്മിക്കുവാന്‍ 1.26 കോടി രുപയുടെ ഭരണാനുമതി നല്‍കിയതായി ഗതാഗതമന്ത്രി ആന്റണി രാജു പറഞ്ഞു. തിരുവനന്തപുരം നിയോജക മണ്ഡലത്തിലെ എം.എല്‍.എ ആസ്തി വികസന ഫണ്ടില്‍ നിന്നും കിള്ളിയാറിലെ പാങ്ങോട് പാലത്തിന് സമീപം വലതു കരയില്‍ 56 ലക്ഷം രൂപയും പാറച്ചിറ പാലത്തിന് സമീപം ഇടതു കരയില്‍70 ലക്ഷം രൂപയുമാണ് സംരക്ഷണഭിത്തി നിര്‍മ്മിക്കുവാന്‍ അനുവദിച്ചത്. ജഗതി വാര്‍ഡിലെ ഇടപ്പഴഞ്ഞി, വലിയശാല വാര്‍ഡിലെ തേങ്ങാക്കൂട് പണ്ടാരവിള, കിഴക്കേവിള എന്നീ ഭാഗങ്ങളിലാണ് സംരക്ഷണഭിത്തി നിര്‍മ്മിക്കുന്നത്. നിര്‍മ്മാണപ്രവര്‍ത്തനങ്ങള്‍ സമയബന്ധിതമായി പൂര്‍ത്തിയാക്കാന്‍ ബന്ധപ്പെട്ടവര്‍ക്ക് നിര്‍ദ്ദേശം നല്‍കിയതായി മന്ത്രി ആന്റണി രാജു പറഞ്ഞു.
കഴക്കൂട്ടം ഗവ.ഐ.ടി.ഐ പ്രവേശനം; അപേക്ഷിക്കാം
കഴക്കൂട്ടം ഗവ. ഐ.ടി.ഐയില്‍ ഒഴിവുള്ള ട്രേഡുകളിലേക്ക് വീണ്ടും അപേക്ഷ സമര്‍പ്പിക്കാം. അപേക്ഷകര്‍ എല്ലാ രേഖകളും ഫീസും സഹിതം നേരിട്ട് ഹാജരായി ഒഴിവുള്ള ട്രേഡുകളില്‍ പ്രവേശനം നേടണം. ആദ്യം അപേക്ഷിക്കുന്നവര്‍ക്ക് ആദ്യം സീറ്റ് എന്ന ക്രമത്തിലാണ് അഡ്മിഷന്‍ നല്‍കും. സ്റ്റനോഗ്രഫി ഹിന്ദി ട്രേഡിലാണ് ഒഴിവുകള്‍ ഉള്ളത്. അവസാന തീയതി സെപ്റ്റംബര്‍ 30. വിവരങ്ങള്‍ക്ക് 0471 2418317, 9446272289, 8129714891.
ഗവ.ഐ.ടി.ഐ പ്രവേശനോത്സവം
2022-23 അധ്യായന വര്‍ഷത്തെ ഐ.ടി.ഐ പരിശീലനം ആരംഭിക്കുന്നതിന് മുന്നോടിയായിട്ടുള്ള പ്രവേശനോത്സവം കഴക്കൂട്ടം ഗവ. വനിത ഐ.ടി.ഐയില്‍ നടന്നു. തിരുവനന്തപുരം കോളേജ് ഓഫ് എന്‍ജിനീയറിങ് പ്രിന്‍സിപ്പാള്‍ ഡോ.വി.സുരേഷ് ബാബു മുഖ്യ അഥിതിയായി. വൈസ് പ്രിന്‍സിപ്പാള്‍ വി.ആര്‍ സജീവ് അധ്യക്ഷത വഹിച്ചു. സീനിയര്‍ സൂപ്രണ്ട് സി.വി. മറിയാമ്മ, ഗ്രൂപ്പ് ഇസ്ട്രക്ടര്‍മാരായ ദേവിക എം.വി, മരിയ വി. എന്നിവര്‍ ആശംസകള്‍ അര്‍പ്പിച്ച് സംസാരിച്ചു. പ്രിന്‍സിപ്പാള്‍ മൊയ്തീന്‍കുട്ടി സ്വാഗതവും സ്റ്റാഫ് സെക്രട്ടറി പ്രീതാകുമാരി നന്ദിയും രേഖപ്പെടുത്തി. പുതുതായി അഡ്മിഷന്‍ ലഭിച്ച ട്രെയിനികളും അവരുടെ രക്ഷകര്‍ത്താക്കളും പ്രവേശനോത്സവത്തില്‍ പങ്കെടുത്തു.
മീഡിയ അക്കാദമി: പുതിയ ബാച്ച് ഉദ്ഘാടനം ഈ മാസം 22ന്
കേരള മീഡിയ അക്കാദമിയുടെ പിജി ഡിപ്ലോമ കോഴ്സുകളുടെ 2022 -23 ബാച്ചിന്റെ പ്രവേശനോദ്ഘാടനം ഈ മാസം 22ന് രാവിലെ 11ന് ദി ടെലഗ്രാഫ് എഡിറ്റര്‍ ആര്‍.രാജഗോപാല്‍ നിര്‍വഹിക്കും.
വിദ്യാഭ്യാസ ധനധനസഹായം
ബിപിഎല്‍ വിഭാഗത്തില്‍പ്പെട്ട വനിതകള്‍ ഗൃഹനാഥരായ കുടുംബങ്ങളിലെ കുട്ടികള്‍ക്ക് 2022-23 സാമ്പത്തിക വര്‍ഷത്തേക്ക് വിദ്യാഭ്യാസ ധനധനസഹായം അനുവദിക്കുന്നതിനായി ഓണ്‍ലൈന്‍ വെബ്‌സൈറ്റ് മുഖേന അപേക്ഷിക്കുന്നതിനുളള അവസാന തീയതി ഡിസംബര്‍ 31 വരെ നീട്ടി. വിശദവിവരങ്ങള്‍ www.schemes.wcd.kerala.gov.in എന്നവെബ്‌സൈറ്റില്‍ ലഭ്യമാണ്. ഫോണ്‍. 0468 2 966 649.
ഭിന്നശേഷി അവാര്‍ഡ് 2022 നോമിനേഷന്‍ ക്ഷണിച്ചു
ഭിന്നശേഷി മേഖലയില്‍ മികച്ച പ്രവര്‍ത്തനങ്ങള്‍ കാഴ്ച വച്ച വ്യക്തികള്‍ക്കും, സ്ഥാപനങ്ങള്‍ക്കും സാമൂഹ്യ നീതി വകുപ്പ് നല്‍കി വരുന്ന സ0സ്ഥാന ഭിന്നശേഷി അവാര്‍ഡ് 2022 – നുള്ള നോമിനേഷന്‍ ക്ഷണിച്ചു. ഭിന്നശേഷി മേഖലയില്‍ നിന്നും മികച്ച പ്രകടനം കാഴ്ചവച്ച ജീവനക്കാരന്‍, തൊഴില്‍ ദായകര്‍, എന്‍.ജി.ഒ, മാതൃക വ്യക്തി, സര്‍ഗാത്മക കഴിവുള്ളകുട്ടി, കായിക താരം, ദേശീയ അന്തര്‍ദേശീയ പുരസ്‌കാരങ്ങള്‍ക്ക് അര്‍ഹരായിട്ടുള്ളവര്‍, തദ്ദേശ സ്വയംഭരണ സ്ഥാപനങ്ങള്‍, ജില്ലഭരണകൂടം, എന്‍.ജി.ഒകള്‍ നടത്തിവരുന്ന പുനരധിവാസ കേന്ദ്രങ്ങള്‍, സാമൂഹ്യനീതി വകുപ്പിലെ മികച്ച ഭിന്നശേഷി സ്ഥാപനം, ഭിന്നശേഷി സൗഹൃദ സ്ഥാപനം, ഭിന്നശേഷി സൗഹൃദ വെബ് സൈറ്റ്, ഭിന്നശേഷി സൗഹൃദ റിക്രിയേഷന്‍ സെന്ററുകള്‍, ഭിന്നശേഷിക്കാരുടെ ജീവിത നിലവാരം മെച്ചപ്പെടുത്തുവാന്‍ സഹായകമാകുന്ന പുതിയ പദ്ധതികള്‍/ ഗവേഷണങ്ങള്‍/ സംരംഭങ്ങള്‍ തുടങ്ങിയ 20 വിഭാഗങ്ങളിലേക്ക് നോമിനേഷന്‍ സമര്‍പ്പിക്കാം. അവസാന തീയതി ഒക്ടോബര്‍ 10. കൂടുതല്‍ വിവരങ്ങള്‍ക്ക് swdkerala@gmail.com എന്ന വെബ് സൈറ്റ് സന്ദര്‍ശിക്കുക. ഫോണ്‍ 0468 2 325 168.
