ആരോഗ്യമന്ത്രി വീണ ജോര്ജിന്റെ സ്റ്റാഫിനെതിരെ കൈക്കൂലി ആരോപണം
തിരുവനന്തപുരം: ആരോഗ്യമന്ത്രി വീണ ജോര്ജിന്റെ സ്റ്റാഫിനെതിരെ കൈക്കൂലി ആരോപണം. ഡോക്ടര് നിയമനത്തിനായി പേഴ്സണല് സ്റ്റാഫ് അഖില് മാത്യു ഒരു ലക്ഷം രൂപ കൈക്കൂലി വാങ്ങിയെന്നാണ് പരാതി. ഇടനിലക്കാരനും പണം വാങ്ങിയതായി പരാതിയിലുണ്ട്. മലപ്പുറം സ്വദേശി ഹരിദാസനാണ് പരാതി നല്കിയിരിക്കുന്നത്.
പരാതി മന്ത്രിയുടെ ഓഫീസ് ഡിജിപിക്ക് കൈമാറിയിട്ടുണ്ട്. മകന്റെ ഭാര്യക്ക് മെഡിക്കല് ഓഫീസര് നിയമനത്തിനാണ് പണം നല്കിയതെന്ന് പരാതിക്കാരനായ ഹരിദാസന് വ്യക്തമാക്കി. 5 ലക്ഷം രൂപ ഗഡുക്കളായി നല്കാനാണ് ആവശ്യപ്പെട്ടതെന്നും ഇയാള് ആരോപിക്കുന്നു. ഇടനിലക്കാരന് പത്തനംതിട്ട സ്വദേശി അഖില് സജീവെന്നും ഹരിദാസന് പറഞ്ഞു. സിഐറ്റിയു മുന് ഓഫീസ് സെക്രട്ടറിയാണ് അഖില് സജീവെന്നും ഹരിദാസന് കൂട്ടിച്ചേര്ത്തു.