വിചാരണ കോടതി മാറ്റണമെന്ന അതിജീവിതയുടെ ആവശ്യം ഹൈക്കോടതി തള്ളി ; ഹണി എം വര്ഗീസ് തുടരും
കൊച്ചി: വിചാരണ മാറ്റണമെന്ന അതിജീവിതയുടെ ആവശ്യം ഹൈക്കോടതി തള്ളി. ഹൈക്കോടതി സിംഗിള് ബെഞ്ചാണ് ഹര്ജി തള്ളിയത്. അത്തരം കീഴ്വഴക്കങ്ങള് ഇല്ലെന്ന് ഹൈക്കോടതി ഹര്ജിക്കാരെ അഅറിയിച്ചു.എറണാകുളം പ്രിന്സിപ്പല് സെഷന്സ് കോടതിയില് നിന്ന് വിചാരണ സ്റ്റേ ചെയ്യണമെന്ന ഇടക്കാല ആവശ്യവും അതിജീവിത ഉന്നയിച്ചിരുന്നു. എന്നാല്, ഇടക്കാല ഉത്തരവില്ലെന്നും, അന്തിമ ഉത്തരവ് തന്നെ ഇന്ന് പറയാമെന്നുമായിരുന്നു ഹൈക്കോടതി വ്യക്തമാക്കിയത്. ഓണാവധി സമയത്ത് ജസ്റ്റിസ് എ.എ. സിയാദ് റഹ്മാന്റെ ബെഞ്ച് സ്പെഷ്യല് സിറ്റിംഗ് നടത്തിയും വാദം കേട്ടിരുന്നു. വിചാരണക്കോടതി ജഡ്ജി ഹണി എം. വര്ഗീസിനെതിരെ അതിജീവിത നേരത്തെ ഹൈക്കോടതി രജിസ്ട്രാര്ക്ക് പരാതിയും നല്കിയിരുന്നു.