ഒന്നോ, രണ്ടോ, മൂന്നോ അല്ല, പത്ത് തവണ തോല്ക്കാനും ഞാന് റെഡി തന്നെ ജെയ്ക്കിന്റെ മറുപടി
ഇന്നലെ സംസ്ഥാനം മുഴുവന് ഉറ്റുനോക്കിയത് പുതുപ്പള്ളിയിലേക്കായിരുന്നു. ഒടുവില് യു ഡി എഫ് സ്ഥാനാര്ത്ഥി ചാണ്ടി ഉമ്മന് തന്നെ ഉമ്മന്ചാണ്ടിക്ക് പകരക്കാരനായി. അച്ഛനോടും മകനോടും തോറ്റ എല് ഡി എഫിന്റെ യുവ സ്ഥാനാര്ത്ഥി ജെയ്ക് സി തോമസിനെക്കുറിച്ച് നടന് സുബീഷ് സുധി പറഞ്ഞ ചില കാര്യങ്ങളാണ് സോഷ്യല് മീഡിയയില് വൈറലായിക്കൊണ്ടിരിക്കുന്നത്.
ഉമ്മന്ചാണ്ടിയുടെ പ്രഭാവത്തില് തിരഞ്ഞെടുപ്പില് തോറ്റുപോയാലോയെന്ന് മുന്പ് ജെയ്കിനോട് ചോദിച്ചിരുന്നെന്നും അതിന് അദ്ദേഹം നല്കിയ മറുപടി തന്നെ ഞെട്ടിച്ചിരുന്നെന്നുമാണ് നടന് പറയുന്നത്. പാര്ട്ടിക്ക് വേണ്ടി എത്രയോ മനുഷ്യര് രക്തസാക്ഷികളായ പ്രസ്ഥാനമാണിത്. ഈ പാര്ട്ടിക്കുവേണ്ടി ഒന്നോ, രണ്ടോ, മൂന്നോ അല്ല, പത്ത് തവണ തോല്ക്കാനും ഞാന് റെഡിയാണ്’എന്നായിരുന്നു ജെയ്ക്കിന്റെ മറുപടി. അതാണ് സഖാവ് ജെയ്ക്കെന്ന് സുബീഷ് സുധി പറഞ്ഞു.
പുതുപ്പള്ളി ഉപതിരഞ്ഞെടുപ്പില് ചാണ്ടി ഉമ്മന് 80,144 വോട്ടും ജെയ്ക്കിന് 42,425 വോട്ടുമാണ് ലഭിച്ചത്. കഴിഞ്ഞ തവണത്തേതില് നിന്ന് 11,903 വോട്ടുകള് ജയ്ക്കിന് കുറഞ്ഞു. ബി ജെ പി ജില്ലാ പ്രസിഡന്റ് ലിജിന് ലാലിന് 6,558 വോട്ടേ നേടാനായുള്ളൂ. കെട്ടിവച്ച കാശും നഷ്ടപ്പെടും.