കാട്ടാക്കട ബസ് സ്റ്റേഷനിലെ അതിക്രമം: നാല് കെഎസ്ആര്ടിസി ജീവനക്കാര്ക്ക് സസ്പെന്ഷനും ജാമ്യമില്ലാ വകുപ്പ് പ്രകാരം കേസും
തിരുവനന്തപുരം: കാട്ടാക്കടയില് മകളുടെ മുമ്പിലിട്ട് അച്ഛനെ മര്ദ്ദിച്ച കേസില് കെഎസ്ആര്ടിസി ജീവനക്കാര്ക്കെതിരെ ജാമ്യമില്ലാ വകുപ്പ് പ്രകാരം കേസ്. മര്ദ്ദനമേറ്റ മകള് രേഷ്മയുടേയും സുഹൃത്ത് അഖിലയുടേയും മൊഴിയുടെ അടിസ്ഥാനത്തില് സ്ത്രീത്വത്തെ അപമാനിച്ചതിനാണ് കേസ് എടുത്തിട്ടുളളത്. ആമച്ചല് സ്വദേശി പ്രേമനെയാണ് കെഎസ്ആര്ടിസി ജീവനക്കാര് മര്ദിച്ചത്.
സംഭവത്തില് ഉത്തരവാദികളായ 4 കെഎസ്ആര്ടിസി ജീവനക്കാരെ അന്വേഷണവിധേയമായി സസ്പെന്ഡ് ചെയ്തു. കെഎസ്ആര്ടിസി ആര്യനാട് യൂണിറ്റിലെ സ്റ്റേഷന് മാസ്റ്റര് എ. മുഹമ്മദ് ഷെരീഫ്, കാട്ടാകട ഡിപ്പോയിലെ ഡ്യൂട്ടി ഗാര്ഡ് എസ്. ആര്. സുരേഷ് കുമാര്, കണ്ടക്ടര് എന്. അനില്കുമാര്, അസിസ്റ്റന്റ് സി.പി.മിലന് ഡോറിച്ച് എന്നിവരെയണ് പ്രാഥമിക അന്വേഷണ റിപ്പോര്ട്ടിന്റെ അടിസ്ഥാനത്തില് സസ്പെന്ഡ് ചെയ്തത്. മകളുടെ മുന്പില് വെച്ച് പിതാവിനെ ആക്രമിച്ച ജീവനക്കാര്ക്കെതിരെ 45 ദിവസത്തിനകം അന്വേഷണം പൂര്ത്തിയാക്കി കര്ശന നടപടി സ്വീകരിക്കുവാന് ഗതാഗതമന്ത്രി ആന്റണി രാജു കെഎസ്ആര്ടിസി സിഎംഡി ക്ക് നിര്ദ്ദേശം നല്കി. സംഭവത്തിന് പിന്നാലെ ക്ഷമാപണവുമായി കെഎസ്ആര്ടിസി സിഎംഡി ബിജു പ്രഭാകര് രം?ഗത്തെത്തിയിരുന്നു.