പത്രം നിരോധിക്കുക പാര്ട്ടി നിലപാടല്ല ; ജലീലിനെ തളളി കോടിയേരി ബാലകൃഷ്ണന്
തിരുവന്തപുരം: മാധ്യമം പത്രത്തിനെതിരേ മന്ത്രിയായിരുന്ന കെ.ടി. ജലീല് കത്തയച്ച സംഭവത്തില് പ്രതികരണവുമായി സി.പി.എം. സംസ്ഥാന സെക്രട്ടറി കോടിയേരി ബാലകൃഷ്ണന്. പാര്ട്ടി അറിഞ്ഞല്ല ജലീല് കത്തയച്ചത്് പത്രം നിരോധിക്കുക പാര്ട്ടി നിലപാടല്ലെന്നും കോടിയേരി ബാലകൃഷ്ണന് വാര്ത്താസമ്മേളനത്തില് പറഞ്ഞു.
മാധ്യമം പത്രത്തിന് അനുകൂലമായ നിലപാടാണ് എക്കാലത്തും സ്വീകരിച്ചിട്ടുളളത്. പത്രം മുന്പ് നിരോധിച്ചപ്പോഴും പാടില്ലെന്ന നിലപാടായിരുന്നു സി.പി.എമ്മിനുണ്ടായിരുന്നത്. എല്ലാ എം.എല്.എമാരും മന്ത്രിമാരും കത്തെഴുതുന്നത് പാര്ട്ടിയോട് ആലോചിച്ചല്ല. ജലീലിന്റേത് പ്രോട്ടോക്കോള് ലംഘനമാണെങ്കില് നടപടിയെടുക്കേണ്ടത് വിദേശകാര്യമന്ത്രാലയമാണെന്നും കോടിയേരി പറഞ്ഞു.