വളാഞ്ചേരിയ്ക്ക് ലോറി അപകടം ;ക്ളീനർ മുസ്തഫയെ കണ്ടെത്തിയില്ല
വളാഞ്ചേരിയ്ക്ക് സമീപം ലോറി ക്വാറിയിലെ വെള്ളക്കെട്ടിലേക്ക് മറിഞ്ഞ് അപകടം. ആതവനാട് ഊരോത്ത് പള്ളിയാലില് ഒരു മണിയോടെയാണ് അപകടം ഉണ്ടായത്. ഡ്രൈവര് ഉള്പ്പെടെ രണ്ട് പേരാണ് ലോറിയില് ഉണ്ടായിരുന്നത്. ഇതില് ഒരാളെ രക്ഷപ്പെടുത്തി. രണ്ടാമത്തെയാള് ലോറിക്കുള്ളില് കുടുങ്ങിക്കിടക്കുകയാണ്. അപകടം നടന്ന് മൂന്ന് മണിക്കൂർ പിന്നിട്ടിട്ടും രക്ഷാപ്രവർത്തനം വൈകുന്നു. ക്ളീനർ മുസ്തഫ കുടുങ്ങിക്കിടക്കുന്നു. റോപ്പ് ലോറിയിൽ കണക്ട് ചെയ്യാൻ സാധിക്കുന്നില്ല. ക്രയിൻ ഉപയോഗിച്ച് ലോറി ഉയർത്തും.
മറിഞ്ഞ വാഹനം വെള്ളത്തിൽ പൂർണമായും താഴ്ന്നുപോയിട്ടുണ്ട്. വാഹനത്തിന്റെ ബ്രേക്ക് നഷ്ടപ്പെട്ടതാണ് അപകടകാരണമെന്നാണ് പ്രാഥമിക നിഗമനം.മാലിന്യവും പ്ലാസ്റ്റിക്കും നിറഞ്ഞതും ഏറെ ആഴമുള്ളതുമായ പഴയ ക്വാറിയിലെ രക്ഷാപ്രവർത്തനം അതീവ ദുഷ്കരമാണെന്ന് നാട്ടുകാർ പറയുന്നു. ഏകദേശം 65 അടി താഴ്ചയുള്ള ക്വാറിയിലെ വെള്ളത്തിലേക്കാണ് ലോറി വീണത്.