ആള്ക്കൂട്ട ആക്രമണത്തിനിരയായ അട്ടപ്പാടി മധു വധക്കേസ് വിധി ഇന്ന്
അട്ടപ്പാടിയിലെ ആദിവാസി യുവാവ് മധുവധക്കേസിലെ വിധി ഇന്ന് ഉണ്ടായേക്കും. മണ്ണാര്ക്കാട് എസ് സി എസ് ടി കോടതിയാണ് കേസിലെ വിധി പറയുന്നത്. കഴിഞ്ഞ വെള്ളിയാഴ്ചയാണ് കേസിലെ അന്തിമവാദം പൂര്ത്തിയായിരുന്നു. കേസിന്റെ വിചാരണയ്ക്കിടെയുണ്ടായ നാടകീയ രംഗങ്ങള്ക്കൊടുവിലാണ് കേസ് വിധി പ്രഖ്യാപനത്തിലേക്ക് എത്തുന്നത്.2018 ഫെബ്രുവരി 22നാണ് അട്ടപ്പാടി ആനവായ് കടുകമണ്ണ ഊരിലെ ആദിവാസി യുവാവ് മധു കൊല്ലപ്പെടുന്നത്. മോഷണ കുറ്റമാരോപിച്ച് ഒരു സംഘമാളുകള് മധുവിനെ ക്രൂരമായി മര്ദ്ദിച്ച് കൊലപ്പെടുത്തിയെന്നാണ് കേസ്. 16 പ്രതികളാണ് കേസിലുള്ളത്. മൂവായിരത്തിലധികം പേജുകളുളള കുറ്റപത്രത്തില് 127 സാക്ഷികളാണ് ഉണ്ടായിരുന്നത്. ഇതില് മധുവിന്റെ ബന്ധുക്കളുള്പ്പടെ 24 പേര് വിചാരണക്കിടെ കൂറുമാറിയിരുന്നു.