ദേശാഭിമാനിക്കെതിരെ മാനനഷ്ടത്തിന് കേസ് കൊടുക്കാന് മറിയക്കുട്ടി ഇന്ന് അടിമാലി കോടതിയെ സമീപിക്കും
ഇടുക്കി: ദേശാഭിമാനിക്കെതിരെ മാനനഷ്ടത്തിന് കേസ് കൊടുക്കാന് മറിയക്കുട്ടി ഇന്ന് അടിമാലി കോടതിയെ സമീപിക്കും. പെന്ഷന് വിതരണത്തില് ഇടപെടല് ആവശ്യപ്പെട്ട് ഇന്ന് ഹൈക്കോടതിയിലും ഹര്ജി നല്കാനും തീരുമാനിച്ചിട്ടുണ്ട്. ഇത്തരത്തില് മറിയക്കുട്ടി ഫയല് ചെയ്യുന്നത് രണ്ട് കേസുകള് പെന്ഷന് മുടങ്ങിയതിനെ തുടര്ന്ന് ഭിക്ഷ യാചിക്കാനിറങ്ങിയ അടിമാലി സ്വദേശി മറിയക്കുട്ടി എന്ന വയോധികക്ക് നേരിടേണ്ടി വന്നത് സമാനതകളില്ലാത്ത സൈബര് ആക്രമണമായിരുന്നു. തനിക്ക് നേരിടേണ്ടി വന്ന വ്യാജപ്രചരണത്തിനെതിരെ ഹൈക്കോടതിയെ സമീപിക്കുമെന്ന് മറിയക്കുട്ടി വ്യക്തമാക്കിയിരുന്നു.
ദേശാഭിമാനിക്കെതിരെ മാനനഷ്ടത്തിന് അടിമാലി ജുഡീഷ്യല് ഫസ്റ്റ് ക്ളാസ് മജിസ്ട്രേട്ട് കോടതിയെ സമീപിക്കാനാണ് തീരുമാനം. പെന്ഷന് എല്ലാവര്ക്കും നല്കാന് കോടതി ഇടപെടല് ആവശ്യപ്പെട്ട് ഹൈക്കോടതിയില് ഹര്ജി നല്കുമെന്നും മറിയക്കുട്ടി പറഞ്ഞു. തന്റെ പോരാട്ടം ക്ഷേമപെന്ഷന് കിട്ടാത്ത മുഴുവനാളുകള്ക്കുമെന്ന് മറിയക്കുട്ടി ഏഷ്യാനെറ്റ് ന്യൂസിനോട് സംസാരിക്കവേ വ്യക്തമാക്കി. പോരാട്ടം സംസ്ഥാന സര്ക്കാരിനെതിരെ ആയതില് ദുഃഖമില്ല. പിണറായി വിജയന് ക്ഷേമപെന്ഷന് കിട്ടുന്നവരെ കുറച്ചുകൂടി പരിഗണിക്കണമെന്നും മറിയക്കുട്ടി ചൂണ്ടിക്കാട്ടി.