അടച്ചിട്ട ഇടങ്ങളില് മാസ്ക് നിര്ബന്ധമാക്കി കര്ണാടക
അടച്ചിട്ട ഇടങ്ങളിലും എ സിയുള്ള മുറികളിലും മാസ്ക് നിര്ബന്ധമാക്കി കര്ണാടക സര്ക്കാര്. ചൈനയിലും മറ്റ് ചില രാജ്യങ്ങളിലും കൊറോണവൈറസിന്റെ പുതിയ വകഭേദം പടരുന്ന പശ്ചാത്തലത്തില് കേന്ദ്ര സര്ക്കാര് പുറപ്പെടുവിച്ച ജാഗ്രതാനിര്ദേശത്തെ തുടര്ന്നാണ് കര്ണാടക സര്ക്കാറിന്റെ തീരുമാനം. ജലദോഷപ്പനി, ഗുരുതര ശ്വാസകോശ രോഗം എന്നിവയുള്ളവര്ക്ക് കൊവിഡ് പരിശോധനയും നിര്ബന്ധമാക്കി.
വിദേശത്ത് നിന്ന് സംസ്ഥാനത്ത് എത്തുന്ന യാത്രക്കാരില് രണ്ട് ശതമാനത്തിന് റാന്ഡം ടെസ്റ്റ് നടത്തും. കൊവിഡ് പോസിറ്റീവാകുന്നവരുടെ സാമ്പിളുകള് ജനിതക ശ്രേണീകരത്തിനായി അയക്കും.