ഇന്ത്യൻ ഭരണഘടനയെ രൂക്ഷമായി വിമർശിച്ച് മന്ത്രി സജി ചെറിയാൻ; വിവാദ പരാമര്ശത്തില് രാജ്ഭവന് ഇടപെടും. മന്ത്രിയുടെ പ്രസ്താവന വാര്ത്തയാക്കി ദേശീയ മാധ്യമങ്ങളും
തിരുവനന്തപുരം; ഇന്ത്യന് ഭരണഘടനക്കെതിരെ വിവാദ പരാമര്ശവുമായി മന്ത്രി സജി ചെറിയാന്. ജനങ്ങളെ കൊള്ളയടിക്കാന് പറ്റിയതാണ് ഇന്ത്യന് ഭരണഘടനയെന്ന് മന്ത്രി.ഭരണഘടനയില് മതേതരത്വം ജനാധിപത്യം പോലെ കുന്തവും കുട ചക്രവുമെക്കെയാണ് എഴുതി വച്ചിരിക്കുന്നത്.തൊഴിലാളികളെ ചൂഷണം ചെയ്യാന് ഭരണഘടന സഹായിക്കുന്നു.തൊഴിലാളികള്ക്ക് ഭരണഘാടന സംരക്ഷണം നല്കുന്നില്ല.മനോഹരമായ ഭരണഘടനയാണ് ഇന്ത്യയിൽ എഴുതിവെച്ചിരിക്കുന്നതെന്ന് നമ്മൾ എല്ലാവരും പറയും . ഞാൻ പറയും ഇന്ത്യയിലെ ഏറ്റവും കൂടുതൽ ജനങ്ങളെ കൊള്ളയടിക്കാൻ പറ്റിയ ഭരണഘടനയാണ് എഴുതിവച്ചിരിക്കുന്നത്. ബ്രിട്ടീഷുകാരൻ പറഞ്ഞ് തയ്യാറാക്കി കൊടുത്ത ഒരു ഭരണഘടന ഇന്ത്യാക്കാർ എഴുതിവച്ചു. അത് ഈ രാജ്യത്ത് 75 വർഷമായി നടപ്പാക്കുന്നതിന്റെ ഭാഗമായി രാജ്യത്ത് ഏതൊരാൾ പ്രസംഗിച്ചാലും ഞാൻ സമ്മതിക്കില്ല. കോടതികളെയും മന്ത്രി വിമര്ശിച്ചു.മല്ലപ്പള്ളിയിലെ സി പി എം പരിപാടിയിലായിരുന്നു മന്ത്രിയുടെ പരാമര്ശം .മന്ത്രി സത്യപ്രതിജ്ഞ ലംഘനമാണെന്ന് നടത്തിയതെന്ന് വിമര്ശനം ഉയര്ന്നു കഴിഞ്ഞു.ഒരു നിമിഷം പോലും അധികാരത്തില് തുടരാന് അര്ഹതയില്ല.ഭരണഘടനയുടെ അന്തസത്ത ഉള്ക്കൊള്ളാന് കഴിയാത്ത മന്ത്രി എത്രയും പെട്ടെന്ന് രാജിവച്ചൊഴിയണം. അല്ലെങ്കില് അദ്ദേഹത്തെ പുറത്താക്കാന് മുഖ്യമന്ത്രി തയ്യാറാകണമെന്ന് റിട്ട.ജസ്റ്റീസ് കമാല് പാഷ ആവശ്യപ്പെട്ടു. മന്ത്രിയുടെ വിവാദ പ്രസ്താവന ദേശീയ മാധ്യമങ്ങളടക്കം വാര്ത്തയാക്കിയിട്ടുണ്ട്.