മാസപ്പടി വിവാദവുമായി ബന്ധപ്പെട്ട് മൂവാറ്റുപുഴ വിജിലന്സ് കോടതിയില് ഹര്ജിനല്കി
മാസപ്പടി വിവാദവുമായി ബന്ധപ്പെട്ട് മൂവാറ്റുപുഴ വിജിലന്സ് കോടതിയില് ഹര്ജി.
അന്വേഷണത്തിന് കോടതി ഉത്തരവിടണമെന്ന് ആവശ്യപ്പെട്ടാണ് കളമശേരി സ്വദേശി ഗിരീഷ് ബാബു ഹര്ജി നല്കിയത്.
മുഖ്യമന്ത്രിയുടെ മകള് സ്വകാര്യ കമ്പനിയില് നിന്ന് മാസപ്പടി വാങ്ങിയത് അധികാര ദുര്വിനിയോഗമെന്ന് ഹര്ജിയില് പറയുന്നു. യാതൊരു സേവനവും നല്കാതെയാണ് പണം കൈപ്പറ്റിയതെന്ന് ആദായ നികുതി വകുപ്പ് കണ്ടെത്തിയിട്ടുണ്ടെന്നും ഹര്ജിയില് വ്യക്തമാക്കുന്നു. മുഖ്യമന്ത്രിയുടെ മകള് വീണ, മുഖ്യമന്ത്രി പിണറായി വിജയന് എന്നിവരാണ് ഹര്ജിയിലെ എതിര് കക്ഷികള്.
സി.എം.ആര് എല്ലില് നിന്ന് പണം കൈപ്പറ്റിയ രാഷ്ട്രീയ നേതാക്കള്ക്കെതിരെയും കേസെടുത്ത് അന്വേഷിക്കണമെന്നും ഹര്ജിയില് ആവശ്യപ്പെടുന്നു. ഇടപാട് സിഎംആര്എല്ലിന്റെ ബിസിനസ് താല്പര്യങ്ങള് സംരക്ഷിക്കുന്നതിനുള്ള കൈക്കൂലിയാണെന്നും ഹര്ജിയില് ആരോപിക്കുന്നുണ്ട്.