രാജസ്ഥാനില്‍ ബജറ്റ് അവതരണത്തിനിടെ നാടകീയസംഭവങ്ങള്‍.
രാജസ്ഥാന്‍ മുഖ്യമന്ത്രി അശോക് ഗെഹ്ലോട്ട് നിയമസഭയില്‍ അവതരിപ്പിച്ചത് പഴയ ബജറ്റ്. ആദ്യ ഏഴു മിനുട്ട് അദ്ദേഹം സഭയില്‍ വായിച്ചത് പഴയ ബജറ്റായിരുന്നു. പിന്നീടാണ് പഴയ ബജറ്റാണെന്ന് തിരിച്ചറിഞ്ഞത്. ഉടന്‍ ചീഫ് വിപ്പ് ഇടപെട്ട് ബജറ്റ് അവതരണം നിര്‍ത്തി.
ആദ്യ രണ്ട് പ്രഖ്യാപനങ്ങള്‍ നടത്തിയതു തന്നെ 2022-23 ബജറ്റിലേതായിരുന്നു. നഗര തൊഴിലവസരങ്ങളെ കുറിച്ചും കൃഷിയെ കുറിച്ചുമാണ് ആദ്യം പ്രഖ്യാപിച്ചത്. ഇത് പഴയ ബജറ്റാണെന്ന് തിരിച്ചറിഞ്ഞതോടെ പ്രതിപക്ഷാംഗങ്ങള്‍ പരിഹസിച്ച് ചിരിച്ചു.
ഈ സമയം കോണ്‍ഗ്രസ് അംഗങ്ങള്‍ പുതിയ ബജറ്റ് തേടി പോവുകയും ഉദ്യോഗസ്ഥര്‍ പുതിയ ബജറ്റ് എത്തിച്ചു നല്‍കുകയുമായിരുന്നു. എന്നാല്‍ പുതിയ ബജറ്റ് അവതരിപ്പിക്കാനാകില്ലെന്ന് പ്രതിപക്ഷാംഗങ്ങള്‍ ബഹളംവെച്ചു.
പ്രതിപക്ഷാംഗങ്ങള്‍ ബഹളം വെക്കുകയും പിന്നീട് സഭയുടെ നടുത്തളത്തിലിരുന്ന് പ്രതിഷേധിക്കുകയും ചെയ്തു. പ്രതി?ഷേധം ശക്തമായതോടെ സഭ 30 മിനുട്ട് നേരത്തേക്ക് നിര്‍ത്തിവെച്ചു.ഗെഹ്ലോട്ട് സര്‍ക്കാറിന്റെ അവസാന ബജറ്റാണ് ഇന്ന് അവതരിപ്പിക്കപ്പെട്ടത്.
