ലോക കേരളസഭാ മേഖലാ സമ്മേളനങ്ങള് സര്ക്കാര് ചെലവിലല്ല’; വിശദീകരണവുമായി മുഖ്യമന്ത്രി
ലോക കേരളസഭയുടെ മേഖലാ സമ്മേളനങ്ങള് സര്ക്കാര് ചെലവിലല്ല നടക്കുന്നതെന്ന് മുഖ്യമന്ത്രി പിണറായി വിജയന് വിശദീകരിച്ചു. പ്രവാസി മലയാളികളാണ് മേഖല സമ്മേളനങ്ങളുടെ പൂര്ണ്ണചെലവ് വഹിക്കുന്നതെന്നും ലണ്ടനിലെ സമ്മേളനം ഉദ്ഘാടനം ചെയ്ത് മുഖ്യമന്ത്രി അറിയിച്ചു. സമ്മേളന ചെലവുമായി ബന്ധപ്പെട്ട് വിവാദങ്ങള് ഉയര്ന്നതോടെയാണ് മുഖ്യമന്ത്രി ഇക്കാര്യം വ്യക്തമാക്കിയത്.
ലോക കേരള സഭയുടെ നേതൃത്വത്തില് പ്രവാസി സഹകരണവും ഇടപെടലുകളും വര്ധിപ്പിക്കുവാന് ലക്ഷ്യമിട്ടാണ് മേഖലാ സമ്മേളനങ്ങള് ചേരുന്നത്. പ്രവാസികളുടെ പൊതുവായ പ്രശ്നങ്ങള്ക്ക് പുറമേ വ്യത്യസ്ത വിഭാഗങ്ങളിലുള്ളവരുടെ പ്രശ്ങ്ങള് കൂടി കേള്ക്കാനും പരിഹരിക്കാനും ലക്ഷ്യം വച്ചു കൊണ്ടാണ് മേഖലാ സമ്മേളനങ്ങള് സംഘടിപ്പിക്കാന് സര്ക്കാര് തീരുമാനമെടുത്തത്. ഇത്തരത്തിലുള്ള രണ്ടാമത്തെ സമ്മേളനമാണ് ലണ്ടനില് നടക്കുന്നത്. ആദ്യ മേഖലാ സമ്മേളനം 2019ല് യുഎഇ ല് നടന്നിരുന്നു.