ആർ.എസ്.പി വിറകടുപ്പു കത്തിച്ച് ഏജീസ് ആഫീസിനു മുന്നിൽ പ്രതിഷേധ സമരം നടത്തി
തിരുവനന്തപുരം . കടുത്ത വിലവര്ദ്ധനവു മൂലം ജനജീവിതം താറുമാറായ സാഹചര്യത്തിലും പ്രധാനമന്ത്രിയും ബി.ജെ.പി സര്ക്കാരും ജനങ്ങളുടെ മേല് അമിതഭാരം അടിച്ചേല്പ്പിക്കുകയാണെന്ന് ആര് എസ്.പി ജില്ലാ സെക്രട്ടറി ഇറവൂര്പ്രസന്നകുമാര് കുറ്റപ്പെടുത്തി. ഗ്യാസ് സിലിണ്ടറിന് അമിതമായി വില വര്ദ്ധിപ്പിച്ച നടപടിയില് പ്രതിഷേധിച്ച് ആര്.എസ്.പിയുടെ ആഭിമുഖ്യത്തില് ഏജീസ് ഓഫീസിനു മുന്നില് വിറകടുപ്പ് കത്തിച്ച് കഞ്ഞി വെച്ച് നടത്തിയ പ്രതിഷേധ സമരം ഉദ്ഘാടനം ചെയ്യുകയായിരുന്നു ജില്ലാ സെക്രട്ടറി .ഗാര്ഹിക സിലിണ്ടറിന്റെ വില 300 രൂപയായി കുറയ്ക്കുമെന്ന് വാഗ്ദാനം ചെയ്തവരാണ് 1200 രൂപയായി ഉയര്ത്തിയതെന്നും ഭരണാധികാരികള് രാജ്യത്തെ ജനങ്ങളെ വെല്ലുവിളിക്കുകയാണെന്നും ജില്ലാ സെക്രട്ടറി പറഞ്ഞു.
കെ.എസ്. സനല്കുമാര് അദ്ധ്യക്ഷത വഹിച്ചു. വി.ശ്രീകുമാരന് നായര് , കെ.ജയകുമാര് , കെ.ചന്ദ്രബാബു, പി.ശ്യാംകുമാര് , സൂസി രാജേഷ്, ഗ്രേസ് മെര്ലിന്, പി.ശ്യാമള, ഷാഹിദ ബീവി, എസ്.എസ്.സുധീര് , തിരുവല്ലം മോഹനന് എന്നിവര് സംസാരിച്ചു.