ശ്യാമള് മണ്ഡലിനെ തട്ടികൊണ്ടുപോയി കൊലപ്പെടുത്തിയ കേസിലെ പ്രതിക്ക് ഇരട്ട ജീവപര്യന്തവും പിഴയും ശിക്ഷ.
തിരുവനന്തപുരം: എഞ്ചിനിയറിംഗ് കോളജ് വിദ്യാര്ത്ഥി ശ്യാമള് മണ്ഡലിനെ തട്ടികൊണ്ടുപോയി കൊലപ്പെടുത്തിയ കേസിലെ പ്രതിക്ക് ഇരട്ട ജീവപര്യന്തവും പിഴയും ശിക്ഷ. രണ്ടാം പ്രതി മുഹമ്മദ് അലിക്കാണ് ജീവപര്യന്തം തടവും 10,10,000 രൂപ പിഴയും തിരുവനന്തപുരം സിബിഐ പ്രത്യേക കോടതി വിധിച്ചത്. ശ്യാമള് മണ്ഡലിനെ കൊലപ്പെടുത്തി 17 വര്ഷത്തിന് ശേഷമാണ് വിധി പ്രഖ്യാപിച്ചത്.
സാഹചര്യ തെളിവുകള് മാത്രമാണ് മുഹമ്മദ് അലിക്കെതിരെ ഉണ്ടായിരുന്നത്. കോളേജില് നിന്നും ശ്യമളിനെ മുഹമ്മദ് അലിയാണ് കിഴക്കേകോട്ടയിലേക്ക് വിളിച്ചു വരുത്തുന്നത്. ഇവിടെ നിന്നും തട്ടികൊണ്ടുപോയ ശേഷം ശ്യമളിന്റെ ഫോണില് നിന്നും അച്ഛനെ വിളിച്ച് 20 ലക്ഷം രൂപ ആവശ്യപ്പെട്ടു. ബസുദേവ് പണവുമായി ചെന്നൈയിലെത്തിയപ്പോഴേക്കും മകനെ കൊലപ്പെടുത്തി കോവളം വെള്ളാറില് ചാക്കില്കെട്ടി പ്രതികള് ഉപേക്ഷിച്ചു. 2005 ഒക്ടോബര് 17നാണ് മൃതദേഹം കണ്ടെത്തുന്നത്. ശ്യാമളിന്റെ ഫോണ് മുഹമ്മദാലി ചെന്നൈയില് വിറ്റ ശേഷമാണ് ആന്ഡമാനിലേക്ക് കടന്നത്. ഈ ഫോണില് സ്വന്തം സിമ്മിട്ട് മുഹമ്മദ് അലി പലരെയും വിളിച്ചു. ഈ ഫോണ് കണ്ടെത്താനായതാണ് നിര്ണായകെ തെളിലായത്. ആദ്യം അന്വേഷണം നടത്തിയ ഫോര്ട്ട് പൊലീസാണ് മുഹമ്മലിയെ അറസ്റ്റ് ചെയ്ത. ഹോട്ടല് ജീവനക്കാരായ ദുര്ഗ ബഹറൂറിനെ പിടികൂടിയില്ല. ശ്യാമളിന്റെ അച്ഛന് നല്കിയ ഹര്ജയില് 2008ല് ഹൈക്കോടതി അന്വേഷണം സിബിഐക്ക് വിട്ടു. 2010 കുറ്റപത്രം സമര്പ്പിച്ച കേസില് 2020ലാണ് വിചാരണ തുടങ്ങിയത്.
പണത്തിന് വേണ്ടിയാണ് കുടുംബ സുഹൃത്തായ മുഹമ്മദ് അലി തിരുവനന്തപുരം എഞ്ചിനിയറിംഗ് കോളജ് വിദ്യാര്ത്ഥി ശ്യാമള് മണ്ഡലതിനെ തട്ടികൊണ്ടുപോയി കൊലപ്പെടുത്തിയത്. ആന്ഡമാന് സ്വദേശിയാണ് മുഹമ്മദ് അലി. മുഹമ്മദ് അലിയും നേപ്പാള് സ്വദേശിയായ ദുര്ഗ ബഹദൂറും ചേര്ന്നാണ് ശ്യാമളിനെ തട്ടികൊണ്ടുപോയി കൊലപ്പെടുത്തിയത്. ദുര്ഗ ബഹദൂറിനെ പിടികൂടാന് ആദ്യം കേസന്വേഷിച്ച പൊലീസിനോ, തുടരന്വേഷണം നടത്തിയ സിബിഐക്കോ കഴിഞ്ഞിട്ടില്ല. കൊലപാതകത്തിന് വേണ്ടിയുള്ള ഗൂഡാലോചന, തട്ടികൊണ്ടുപോകല് എന്നിവയ്ക്കാണ് മുഹമ്മലിക്ക് ഇരട്ട ജീവപര്യന്തം. മോഷത്തിന് കഠിന തടവും പ്രതി അനുഭവിക്കണം. പ്രതി 10 ലക്ഷത്തി 10,000 രൂപ പിഴയും അടയ്ക്കണം. ഇതില് നിന്നും നാല് ലക്ഷം രൂപ ശ്യമളിന്റെ അച്ഛന് ബസുദേവ് മണ്ഡലിന് നല്കാനും കോടതി ഉത്തരവില് പറയുന്നു.