കോവിഡ് വ്യാപനം; പൊതുജനങ്ങള്ക്ക് ജാഗ്രതാ നിര്ദ്ദേശവുമായി മന്ത്രി വീണാ ജോര്ജ്ജ്
കോവിഡ് വ്യാപനത്തിന്റെ പശ്ചാത്തലത്തിൽ സംസ്ഥാനത്ത് ജാഗ്രതാ നിർദ്ദേശം നൽകിയതായി മന്ത്രി വീണാ ജോർജ്ജ്. കൂടുതൽ സാമ്പിളുകളിൽ ജനിതക ശ്രേണീകരണം നടത്തും. പ്രായം കൂടിയവർക്ക് പ്രത്യേക ശ്രദ്ധ നൽകണമെന്നും അവധിക്കാല യാത്രകളിൽ ജാഗ്രത വേണമെന്നുമാണ് ആരോഗ്യവകുപ്പിന്റെ നിർദ്ദേശം.
സംസ്ഥാനത്തെ പ്രതിദിന കോവിഡ് കണക്ക് അനുസരിച്ച് ഇന്നലെ 51 പേർക്കാണ് രോഗം സ്ഥിരീകരിച്ചത്. ഡിസംബർ 20-ന് 79 പേർക്കും ഡിസംബർ 19-ന് 36 പേർക്കും ഡിസംബർ 18-ന് 62 പേർക്കും ഡിസംബർ 17-ന് 59 പേർക്കുമാണ് രോഗം സ്ഥിരീകരിച്ചത്. സംസ്ഥാനത്ത് ആശങ്കപ്പെടാനുള്ള സാഹചര്യമില്ലെന്ന് പറഞ്ഞ മന്ത്രി ജാഗ്രത കൈവിടരുതെന്നും ആവശ്യപ്പെട്ടു.
രോഗം ബാധിക്കാതിരിക്കാൻ എല്ലാവരും ശ്രദ്ധിക്കണമെന്നാണ് ആരോഗ്യവകുപ്പിന്റെ നിർദ്ദേശം. ഇന്നലെ ആരോഗ്യമന്ത്രിയുടെ നേതൃത്വത്തില് സ്റ്റേറ്റ് റാപ്പിഡ് റെസ്പോണ്സ് ടീം യോഗം ചേർന്നിരുന്നു. എല്ലാ ജില്ലകളും പ്രതിരോധ പ്രവര്ത്തനങ്ങളും നിരീക്ഷണവും ശക്തമാക്കാനും നിര്ദ്ദേശം നല്കിയിട്ടുണ്ട്.