എ രാജയെ ദേവികുളം എംഎല്എ സ്ഥാനത്ത് നിന്ന് അയോഗ്യനാക്കിയ ഹൈക്കോടതി വിധിക്ക് ഭാഗിക സ്റ്റേ അനുവദിച്ച് സുപ്രീംകോടതി
എ രാജ സമര്പ്പിച്ച അപ്പീലിലാണ് ഭാഗിക സ്റ്റേ. ഇതോടെ രാജയ്ക്ക് നിയമസഭാ നടപടികളില് പങ്കെടുക്കാം. പക്ഷേ, വോട്ട് ചെയ്യാനുള്ള അവകാശം ഉണ്ടായിരിക്കില്ല. നിയമസഭാ അലവന്സും പ്രതിഫലവും വാങ്ങാനും അവകാശമില്ല. കേസ് ഇനി ജൂലായില് പരിഗണിക്കുന്നത് വരെയാണ് വിധി സ്റ്റേ ചെയ്തിരിക്കുന്നത്.
വ്യാജരേഖ ചമച്ച വ്യക്തിയെ നിയമസഭയില് പങ്കെടുക്കാന് അനുവദിക്കരുതെന്ന് യുഡിഎഫ് സ്ഥാനാര്ത്ഥി ഡി കുമാറിന്റെ അഭിഭാഷകന് കോടതിയില് വാദിച്ചു. അതേസമയം, സ്റ്റേ ഇല്ലെങ്കില് തിരഞ്ഞെടുപ്പ് നടക്കും എന്ന രാജയുടെ വാദം അംഗീകരിച്ചാണ് കോടതി ഇളവ് നല്കിയത്. രാജ ക്രിസ്തുമതം പിന്തുടരുന്നില്ല എന്ന് എങ്ങനെ തെളിയിക്കുമെന്നും കോടതി ചോദിച്ചു.
കഴിഞ്ഞ മാസമാണ് ദേവികുളം മണ്ഡലത്തിലെ നിയമസഭാ തിരഞ്ഞെടുപ്പ് ഹൈക്കോടതി റദ്ദാക്കിയത്. പട്ടികജാതി സംവരണ വിഭാഗത്തില്പ്പെട്ട ദേവികുളം മണ്ഡലത്തില് വ്യാജ ജാതി സര്ട്ടിഫിക്കറ്റ് ഹാജരാക്കിയാണ് രാജ മത്സരിച്ചതെന്ന യുഡിഎഫ് സ്ഥാനാര്ത്ഥി ഡി കുമാറിന്റെ ഹര്ജി അംഗീകരിച്ചാണ് ഹൈക്കോടതി വിധി പറഞ്ഞത്. ദേവികുളം മണ്ഡലത്തില് നിന്ന് എംഎല്എയായി നിയമസഭയിലെത്തിയ എ രാജയുടെ വിജയം ഹൈക്കോടതി അസാധുവാക്കിയിരുന്നു.