കോണ്ഗ്രസിലെ ഗ്രൂപ്പ് രാഷ്ട്രീയത്തിനെതിരെ വിമര്ശനവുമായി തിരുവഞ്ചൂര് രാധാകൃഷ്ണന്
പല ചേരിയായി കോണ്ഗ്രസ് നിന്നാല് മൂന്നാം പിണറായി സര്ക്കാരുണ്ടാകുമെന്ന് പാര്ട്ടി അച്ചടക്ക സമിതി അധ്യക്ഷന് കൂടിയായ തിരുവഞ്ചൂര് രാധാകൃഷ്ണന് പറഞ്ഞു. ഐക്യത്തിനായി ത്യാഗം സഹിക്കാന് എല്ലാവരും തയാറാകണമെന്നും തിരുവഞ്ചൂര് ആവശ്യപ്പെട്ടു.
ഒരു ഉപതെരഞ്ഞെടുപ്പ് നേരിടാന് പോവുകയാണ്. കോണ്ഗ്രസിന്റെ സംയുക്ത മുഖം കാണണമെന്ന് ആഗ്രഹിക്കുന്നവരാണ് സംസ്ഥാനത്തുള്ള മഹാഭൂരിപക്ഷം ആളുകളും. ചിലര് അവരുടെ അഭിപ്രായങ്ങളും കോണ്ഗ്രസ് കോണ്ഗ്രസിന്റെ അഭിപ്രായങ്ങളും പറയാറുണ്ട്. കോണ്ഗ്രസ് അതിന്റെ പഴയ കാലത്തേക്ക് പോകണം. പഴയ കാലം എന്ന് പറയുന്നത് കോണ്ഗ്രസ് എല്ലാവരും ഒരുമിച്ച് നിന്നിരുന്ന കാലം. സാധാരണക്കാരനായ പാര്ട്ടി പ്രവര്ത്തകന്റെ ചോദ്യം ഒരുമിച്ച് പോയിക്കൂടെ എന്നാണെന്നും തിരുവഞ്ചൂര് പറഞ്ഞു.